Elektr razvedka

Elektr razvedka — Yer pöstidagi toğ jinslarining elektr hususiyatlarini hamda doimiy va özgaruvçan tok ta'sirida hosil bölgan tabiiy va sun'iy elektr maydonlarni örganişga asoslangan geofizik razvedka usullari guruhi. E.r.ni qöllaş natijasida geologik kesim jinslarining elektr xossalari (elektr qarşiligi, dielektrik ötkazuvçanligi va boşqalar) böyiça tabaqalanadi. E.r.ning quyidagi: 1) doimiy tok usuli — tabiiy elektr maydoni, zaryadi, qarşiligi; 2) pastçastotali özgaruvçan tok usuli — tellur toki, çastotali elektromagnit zondlaş va boşqalar; 3) örtaça çastotali özgaruvçan tok usuli — induksiya, aeroelektr razvedka va boşqalar; 4) yuqori çastotali özgaruvçan tok usuli — radiotölqin bilan tekşiriş, radiokip va boşqalar; 5) qutblaniş, ötiş jarayonlari, maydon barqarorlanişi natijasida yuzaga kelgan qözğaluvçan maydonlarni örganiş usullari mavjud. E.r. usullaridan samarali foydalaniş quyidagi şartşaroitlarga boğliq: 1) toğ jinslari va foydali qazilmalarning elektr xossalari bir-biridan sezilarli farqlanişi; örganilayotgan obyektning morfologiyasi va ölçamini uning yotiş çuqurligiga nisbatan ustunligini yaqqol sezilişi; 3) qoplama toğ jinslari tösiqlik ta'sirining nisbatan kamligi va boşqalar Hal qilinayotgan geologik masalalar xarakteriga köra, muhandislik geol.si, ruda va strukturaviy E.r.larga ajratiladi. E.r. usullarini qöllaş, odatda, qimmatga tuşadigan kon kavlaş va burği işlari hajmini qisqartiriş hisobiga geologik izlanişlarni tezlaştiradi va arzonga tuşadi.