Ellikboşi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 107-b. — ziyouz.com
Ellikboşi — harbiy-ma'muriy unvon. Örta Osiyo xonliklarida yuzboişdan keyingi mansab; 50 nafar askardan iborat harbiy qism boşliği hamda 50 nafar askar ajrata oluvçi mahalla, qişloq yoki ovul rahbari. U mingboşi tomonidan tayinlangan. Bu mansab Qöqon xonligida keng tarqalgan. Podşo Rossiyasi Turkiston ölkasini bosib olgaç, E. unvoni tugatilgan.
Turkistonda sovet rejimiga qarşi qurolli harakat davrida Şermuhammadbek tomonidan Farğona vodiysida E., yuzboşi va mingboşi lavozimlari qayta tiklangan. 20-asrning 1-çoragida — sovet hokimiyatining dastlabki yillarida Özbekiston SSRda şaharda mahalla qömitasining raisi, qişloqda esa qişloq oqsoqoli E. deb atalgan. Keyinçalik bu söz iste'moldan çiqib ketgan.
Asl matn (kirill, PDF'dagidek)
ЭЛЛИКБОШИ — ҳарбий-маъмурий унвон. Ўрта Осиё хонликларида юзбоишдан кейинги мансаб; 50 нафар аскардан иборат ҳарбий қисм бошлиғи ҳамда 50 нафар аскар ажрата олувчи маҳалла, қишлоқ ёки овул раҳбари. У мингбоши томонидан тайинланган. Бу мансаб Қўқон хонлигида кенг тарқалган. Подшо Россияси Туркистон ўлкасини босиб олгач, Э. унвони тугатилган.
Туркистонда совет режимига қарши қуролли ҳаракат даврида Шермуҳаммадбек томонидан Фарғона водийсида Э., юзбоши ва мингбоши лавозимлари қайта тикланган. 20-асрнинг 1-чорагида — совет ҳокимиятининг дастлабки йилларида Ўзбекистон ССРда шаҳарда маҳалла қўмитасининг раиси, қишлоқда эса қишлоқ оқсоқоли Э. деб аталган. Кейинчалик бу сўз истеъмолдан чиқиб кетган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.