Entobakterin
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 146-b. — ziyouz.com
Entobakterin — biologik insektitsid. Kristall hosil qiladigan bakteriya asosida olinadi. 1 grammida 30 mlrd.ga yaqin yaşovçan bakteriya sporasi va zaharli oqsil kristallari (juft sporali tana) bölgan kulrangqönğir kukun va pasta (1 grammida 20 mlrd.ga yaqin bakteriya sporasi) holida çiqariladi. Töldirgiç sifatida kukunlangan kaolin qöşiladi. E.ning ta'sir doirasi keng. Zararkunandalarning 50 turiga, jumladan, kök qurt, ğöza tunlami, karadrina, olma, meva va karam kuyasi, beda uruğxöri, odimçilar va boşqalarga qarşi qöllanilganda yaxşi samara beradi. E. ta'sirçanligi qisman havo haroratiga boğliq. E. işlatilganda va undan keyingi 2—6 kun davomida kundalik harorat qança yuqori bölsa, samara ham şu qadar yuqori böladi. Preparat meyori va obhavoga qarab köpgina qurtlar 2—5 kunda nobud böladi. E. ösimliklarga past dozadagi kimyoviy preparatlar bilan qöşib purkaladi; buning uçun yaxşi aralaştirilgan suvli suspenziya tayyorlanadi. Preparatning sarf meyori 2,0—2,5 kg/ga, fozalon aralaştirib işlatilganda 0,5 kg/ga. Iş suyukligi sarf meyori 100— 200 l/ga. E. ösimliklar, odam, issiqqonli hayvonlar, asalarilar va boşqalar foydali haşarotlar uçun zararsiz.
Asl matn (kirill, PDF'dagidek)
ЭНТОБАКТЕРИН — биологик инсектицид. Кристалл ҳосил қиладиган бактерия асосида олинади. 1 граммида 30 млрд.га яқин яшовчан бактерия спораси ва заҳарли оқсил кристаллари (жуфт спорали тана) бўлган кулрангқўнғир кукун ва паста (1 граммида 20 млрд.га яқин бактерия спораси) ҳолида чиқарилади. Тўлдиргич сифатида кукунланган каолин қўшилади. Э.нинг таъсир доираси кенг. Зараркунандаларнинг 50 турига, жумладан, кўк қурт, ғўза тунлами, карадрина, олма, мева ва карам куяси, беда уруғхўри, одимчилар ва бошқаларга қарши қўлланилганда яхши самара беради. Э. таъсирчанлиги қисман ҳаво ҳароратига боғлиқ. Э. ишлатилганда ва ундан кейинги 2—6 кун давомида кундалик ҳарорат қанча юқори бўлса, самара ҳам шу қадар юқори бўлади. Препарат меъёри ва обҳавога қараб кўпгина қуртлар 2—5 кунда нобуд бўлади. Э. ўсимликларга паст дозадаги кимёвий препаратлар билан қўшиб пуркалади; бунинг учун яхши аралаштирилган сувли суспензия тайёрланади. Препаратнинг сарф меъёри 2,0—2,5 кг/га, фозалон аралаштириб ишлатилганда 0,5 кг/га. Иш суюклиги сарф меъёри 100— 200 л/га. Э. ўсимликлар, одам, иссиққонли ҳайвонлар, асаларилар ва бошқалар фойдали ҳашаротлар учун зарарсиз.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.