Epigraf
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 157-b. — ziyouz.com
Epigraf (yun. — ustki yozuv) — 1) Yunonistonda qabr toşlari ustidagi yozuv; 2) adabiy asar yoki uning biror qismi (bobi)ning tepasiga yozib qöyilgan va şu asar yoki qism (bob) mazmunini ifodalaydigan, asosiy yönalişini belgilab beradigan teran ma'noli ibora, maqol, matal, hikmatli söz, qöşiq, şe'r yoki özga bir manbadan olingan parça. Jahon adabiyotida E. 15-asr boşlarida paydo bölgan. 19-asr romantiklari asarlarida ham E. köp uçraydi. J. Russo, A. Stendal, I. Gyote, F. Şiller, A. Puşkin, M. Lermontov, N. Gogol, L. Tolstoy, şuningdek, özbek adabiyotida Ğ.Ğulom, A. Qahhor, O. Muxtor va boşqalar E. san'atidan mohirona foydalanganlar. E. iqtibos yoki köçirmaning barça xususiyatlariga ega bölib, asosiy matnga öziga xos kiriş vazifasini ötaydi. Ularsiz ba'zan badiiy asarning mohiyatini anglaş mumkin bölmay qoladi. Parodiyalarda ham E. qöllaniladi.
Asl matn (kirill, PDF'dagidek)
ЭПИГРАФ (юн. — устки ёзув) — 1) Юнонистонда қабр тошлари устидаги ёзув; 2) адабий асар ёки унинг бирор қисми (боби)нинг тепасига ёзиб қўйилган ва шу асар ёки қисм (боб) мазмунини ифодалайдиган, асосий йўналишини белгилаб берадиган теран маъноли ибора, мақол, матал, ҳикматли сўз, қўшиқ, шеър ёки ўзга бир манбадан олинган парча. Жаҳон адабиётида Э. 15-аср бошларида пайдо бўлган. 19-аср романтиклари асарларида ҳам Э. кўп учрайди. Ж. Руссо, А. Стендаль, И. Гёте, Ф. Шиллер, А. Пушкин, М. Лермонтов, Н. Гоголь, Л. Толстой, шунингдек, ўзбек адабиётида Ғ.Ғулом, А. Қаҳҳор, О. Мухтор ва бошқалар Э. санъатидан моҳирона фойдаланганлар. Э. иқтибос ёки кўчирманинг барча хусусиятларига эга бўлиб, асосий матнга ўзига хос кириш вазифасини ўтайди. Уларсиз баъзан бадиий асарнинг моҳиятини англаш мумкин бўлмай қолади. Пародияларда ҳам Э. қўлланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.