Epigramma
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 157-b. — ziyouz.com
Epigramma (yun. — ustki yozuv) — kiçik hajviy şe'r. Yunonistonda ibodatxona va haykallarga öyib yozilgan şe'riy parçalar E. deb atalgan. Ularda ma'budlar va qahramonlar madh etilgan, ba'zan E.lar hikmatli iboralarni ham qamrab oladi. Birinçi yunon E.lar antologiyasi mil. av. 1 a.da tuzilgan va 6— 10-asrlarda töldirilgan; natijada 16 kitobdan iborat majmua vujudga kelgan («Palatin antologiyasi», 4000 ga yaqin E.). Lotin adabiyotida E. janri mil. av. 2— 1 a.larda paydo bölgan. Yangi davr adabiyotida, xususan, klassitsizm şe'riyatida E. unça katta bölmagan hajviy şe'r bölib, odatda, bironbir şaxsga qarşi yönaltiriladi. Sönggi davr şoirlari ham E. janriga murojaat qilganlar, Özbek adabiyotida H.H.Niyoziy («Bir eşon öpkasi», «Bir şarmanda tilidan»), Ğ.Ğulom («Obakidandon», «Istaklarim») va boşqalar bir qança E.lar yozganlar.
Asl matn (kirill, PDF'dagidek)
ЭПИГРАММА (юн. — устки ёзув) — кичик ҳажвий шеър. Юнонистонда ибодатхона ва ҳайкалларга ўйиб ёзилган шеърий парчалар Э. деб аталган. Уларда маъбудлар ва қаҳрамонлар мадҳ этилган, баъзан Э.лар ҳикматли ибораларни ҳам қамраб олади. Биринчи юнон Э.лар антологияси мил. ав. 1 а.да тузилган ва 6— 10-асрларда тўлдирилган; натижада 16 китобдан иборат мажмуа вужудга келган («Палатин антологияси», 4000 га яқин Э.). Лотин адабиётида Э. жанри мил. ав. 2— 1 а.ларда пайдо бўлган. Янги давр адабиётида, хусусан, классицизм шеъриятида Э. унча катта бўлмаган ҳажвий шеър бўлиб, одатда, биронбир шахсга қарши йўналтирилади. Сўнгги давр шоирлари ҳам Э. жанрига мурожаат қилганлар, Ўзбек адабиётида Ҳ.Ҳ.Ниёзий («Бир эшон ўпкаси», «Бир шарманда тилидан»), Ғ.Ғулом («Обакидандон», «Истакларим») ва бошқалар бир қанча Э.лар ёзганлар.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.