Epilog
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 165-b. — ziyouz.com
Epilog (epi... va — söz) — badiiy asarda voqea tasviridan söng qahramonlarning keyingi taqdirini sözlab beruvçi xotima qismi; qadimiy yunon dramasida xor (yoki aktyor)ning tomoşabinlarga sönggi murojaati (bunda sahnada yuz bergan voqea-hodisalarning mohiyati şarhlanar va muallifning niyati bayon qilinardi). Uyğoniş davri dramalarida (V.Şekspir, B.Jonson), odatda, E. tomoşabinlarga murojaatmonolog bölib, bunda pyesaning asosiy goyasi şarhlangan.
E. asardagi asosiy ziddiyat yeçimining oqibatlarini ifodalaşga, asarning ğoyaviy samarasini bayon qilişga xizmat etadi. Abdulla Qodiriyning «Ötgan kunlar» romanidagi xotima E.ning yorqin namunasidir. Uşbu E. orqali öquvçilar asar boş qahramoni Otabekning keyingi takdiri haqida xabar topadilar. Har bir asarda E. bölişi şart emas. Ba'zan E. asarning boş qismiga köçirilişi ham mumkin.
Musiqada ham operaning xotima qismi E. deb yuritiladi (yana q. Xotima).
Q.: Xotima
Asl matn (kirill, PDF'dagidek)
ЭПИЛОГ (эпи... ва — сўз) — бадиий асарда воқеа тасвиридан сўнг қаҳрамонларнинг кейинги тақдирини сўзлаб берувчи хотима қисми; қадимий юнон драмасида хор (ёки актёр)нинг томошабинларга сўнгги мурожаати (бунда саҳнада юз берган воқеа-ҳодисаларнинг моҳияти шарҳланар ва муаллифнинг нияти баён қилинарди). Уйғониш даври драмаларида (В.Шекспир, Б.Жонсон), одатда, Э. томошабинларга мурожаатмонолог бўлиб, бунда пьесанинг асосий гояси шарҳланган.
Э. асардаги асосий зиддият ечимининг оқибатларини ифодалашга, асарнинг ғоявий самарасини баён қилишга хизмат этади. Абдулла Қодирийнинг «Ўтган кунлар» романидаги хотима Э.нинг ёрқин намунасидир. Ушбу Э. орқали ўқувчилар асар бош қаҳрамони Отабекнинг кейинги такдири ҳақида хабар топадилар. Ҳар бир асарда Э. бўлиши шарт эмас. Баъзан Э. асарнинг бош қисмига кўчирилиши ҳам мумкин.
Мусиқада ҳам операнинг хотима қисми Э. деб юритилади (яна қ. Хотима).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.