Epir

Epir — Şim. Gretsiyadagi qadimiy ölka. E. yunon qabilalarining eng qadimiy yurti, şu yerdan ular keyinçalik Bolqon ya.o. va Egey dengizi orollariga tarqalganlar degan fikrlar mavjud. qadimiyda E.da qardoş illiriy qabilalar: xaonlar, molosslar, fesprotlar va boşqalar yaşagan. Bu qabilalar ehtimol E.ning qadimiy yunon aholisini siqib çiqarişgan. Mil.av. 6—5-asrlarda xaonlar E.da eng kuçli qabila hisoblangan. Keyinçalik ustunlik molosslarga ötgan, ularning şohlaridan biri — Pirr davrida (mil. av. 4-asr oxiri — 3-asr boşi) E.ning butun hududi yagona davlatga birlaşgan (şundan keyin E. aholisi epirotlar deb atalgan). Mil.av. 168 yil E.ni rimliklar bosib olib, 70 dan ortiq şaharni vayron qilişgan va 150 mingga yaqin epirotlarni qul qilib haydab ketişgan. Avgust davrida (mil.av. 27—mil. 14 yil) E. hududi Rimning Axayya provinsiyasi tarkibiga kiritilgan. Imperator Trayan davrida E. Akarnaniya bilan birlaştirilib E. provinsiyasini taşkil qilgan, 3-asr oxirida Illiriyaning bir qismi bilan bitta provinsiyaga birlaştirilgan. Mil. 4-asrdan — Vizantiya tarkibida (13—14-asrlarda E. hududi Epir davlatiga kirgan), 15-asr örtalaridan — Usmonli turk imperiyasi hukmronligi ostida bölgan. 1881 yil E.ning bir qismi (Arta r-ni) Gretsiyaga qöşib yuborilgan; 1912—13 yillardagi Bolqon uruşlaridan söng E.ning butun hududi Gretsiya tarkibiga kirgan.