Epton Bil Sinkler
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 386-b. — ziyouz.com
Sinkler Epton Bil SINKLER (Sinclair) Epton Bil (1878.20.9, Merilend ştati Baltimor ş. — 1968.26.11, BraundBruk) — amerikalik yozuvçi. Kolumbiya un-tida öqigan. Ilk romani — «Şoh Midas» (1901). «Bahor va pişiqçilik» (1901) romani, «Artur Stirlingning kundaligi» va «Şahzoda Xagen» pyesasi (1903)da balandparvoz patetika mavjud bölişiga qaramay, ulardagi ijtimoiytanqidiy ohanglar keyinçalik S. ijodida yetakçilik qilgan. S.ning «Jungli» (1906) romani yozuvçi ijodida yetuklik davri boşlanganidan darak beradi. S. 20-a. boşlarida ijtimoiy mavzudagi «Poytaxt» va «Sarroflar» (1908) romanlaridan taşqari, «Sevgi sinovi» (1911), «Silviya» (1913), «Silviyaning turmuşga çiqişi» (1914) singari oila va muxabbat mavzuida ham asarlar yozgan. Rossiyadagi 1917 y. inqilobi ta'sirida S. «Jimmi Xiggins» (1919) romanini yozib, unda intervensiya yillarida Amerika qöşinlari orasida Sovet davlati foydasiga tarğibot işlarini olib borgan proletar, «Neft» (1927) romanida esa amerikalik faşistlar qölida halok bölgan kommunist obrazlarini yaratgan. S.ning bolşevizmga xayrixoxlik ruhi b-n suğorilgan va amerikaça hayot tarzini foş etuvçi [«Boston», 1928; «Matlubot», 1936; «No pasapan!» («Ular ötmaydi!», 1937); «Avtomobil qiroli», 1938 va b.] asarlari sovet davrida Amerikadagi tanqidiy realizm adabiyotiga qöşilgan ulkan hissa sifatida baholanib kelingan.
Asl matn (kirill, PDF'dagidek)
СИНКЛЕР (Sinclair) Эптон Бил (1878.20.9, Мэриленд штати Балтимор ш. — 1968.26.11, БраундБрук) — америкалик ёзувчи. Колумбия ун-тида ўқиган. Илк романи — «Шоҳ Мидас» (1901). «Баҳор ва пишиқчилик» (1901) романи, «Артур Стирлингнинг кундалиги» ва «Шаҳзода Хаген» пьесаси (1903)да баландпарвоз патетика мавжуд бўлишига қарамай, улардаги ижтимоийтанқидий оҳанглар кейинчалик С. ижодида етакчилик қилган. С.нинг «Жунгли» (1906) романи ёзувчи ижодида етуклик даври бошланганидан дарак беради. С. 20-а. бошларида ижтимоий мавзудаги «Пойтахт» ва «Саррофлар» (1908) романларидан ташқари, «Севги синови» (1911), «Сильвия» (1913), «Сильвиянинг турмушга чиқиши» (1914) сингари оила ва мухаббат мавзуида ҳам асарлар ёзган. Россиядаги 1917 й. инқилоби таъсирида С. «Жимми Хиггинс» (1919) романини ёзиб, унда интервенция йилларида Америка қўшинлари орасида Совет давлати фойдасига тарғибот ишларини олиб борган пролетар, «Нефть» (1927) романида эса америкалик фашистлар қўлида ҳалок бўлган коммунист образларини яратган. С.нинг большевизмга хайрихохлик руҳи б-н суғорилган ва америкача ҳаёт тарзини фош этувчи [«Бостон», 1928; «Матлубот», 1936; «No pasapan!» («Улар ўтмайди!», 1937); «Автомобиль қироли», 1938 ва б.] асарлари совет даврида Америкадаги танқидий реализм адабиётига қўшилган улкан ҳисса сифатида баҳоланиб келинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.