Ergaş Yöldoşev
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 22–23-b. — ziyouz.com
Yöldoşev Ergaş (1924.1.5, Çust tumani — 1991.8.1, Toşkent) — xonanda (dramatik tenor), Özbekiston xalq artisti (1974). Toşkent konservatoriyasini tugatgan (1958). Özbek an'anaviy ijroçilik uslublarini M. Uzoqovdan örgangan. Ijodiy faoliyatini Çust tumani k-z — s-z teatrida boşlagan (1939—41). Yangiyöl teatri (1942-45), Toşsovet teatri (1945—47) artisti, Özbek davlat filarmoniyasi (1948—58), Navoiy nomidagi opera va balet teatri (1958—82)da yakkaxon xonanda. Toşkent teatr va rassomlik san'ati in-tida dars bergan (1982—88). Ijroçilik san'atida opera vokal texnikasi, özbek an'anaviy xonandalik uslublari uzviy boğlanib ketgan. Na-fasi keng, baland pardalarni ravon va mohirona egallagan. Musiqali dramalarda Qodir, Norböta (S. Abdulla; T. Jalilov, «Tohir va Zuhra», «Oftobxon»), Ğirdak (H. Olimjon; Yu. Rajabiy, «Muqanna») va b. obrazlarni yaratgan; operalarda Omon (T. Sodiqov, Yu. Rajabiy, D. Zokirov, B. Zeydman, «Zaynab va Omon»), Çöpon (S. Yudakov, «Maysaraning işi»), Niyoz (M. Yusupov, «Xorazm qöşiği»), Moniy (M. Aşrafiy, «Dilorom»), Qodir (T. Sodiqov, R. Glier, «Gulsara») kabi boş partiyalarni ijro etgan. Repertuaridan maqom yöllari («Dugoh», «Bayot» va b.), katta aşula, xalq («Tanavor», «Zor etding») va özbek bastakorlarining («Ey, sarvi ravon», «Dutorim», «Öynab öting, şabbodalar», «Özbekistondan» va b.) aşula, yalla va qöşiqlari örin olgan.
Asl matn (kirill, PDF'dagidek)
ЙЎЛДОШЕВ Эргаш (1924.1.5, Чуст тумани — 1991.8.1, Тошкент) — хонанда (драматик тенор), Ўзбекистон халқ артисти (1974). Тошкент консерваториясини тугатган (1958). Ўзбек анъанавий ижрочилик услубларини М. Узоқовдан ўрганган. Ижодий фаолиятини Чуст тумани к-з — с-з театрида бошлаган (1939—41). Янгийўл театри (1942-45), Тошсовет театри (1945—47) артисти, Ўзбек давлат филармонияси (1948—58), Навоий номидаги опера ва балет театри (1958—82)да яккахон хонанда. Тошкент театр ва рассомлик санъати ин-тида дарс берган (1982—88). Ижрочилик санъатида опера вокал техникаси, ўзбек анъанавий хонандалик услублари узвий боғланиб кетган. На-фаси кенг, баланд пардаларни равон ва моҳирона эгаллаган. Мусиқали драмаларда Қодир, Норбўта (С. Абдулла; Т. Жалилов, «Тоҳир ва Зуҳра», «Офтобхон»), Ғирдак (Ҳ. Олимжон; Ю. Ражабий, «Муқанна») ва б. образларни яратган; операларда Омон (Т. Содиқов, Ю. Ражабий, Д. Зокиров, Б. Зейдман, «Зайнаб ва Омон»), Чўпон (С. Юдаков, «Майсаранинг иши»), Ниёз (М. Юсупов, «Хоразм қўшиғи»), Моний (М. Ашрафий, «Дилором»), Қодир (Т. Содиқов, Р. Глиэр, «Гулсара») каби бош партияларни ижро этган. Репертуаридан мақом йўллари («Дугоҳ», «Баёт» ва б.), катта ашула, халқ («Танавор», «Зор этдинг») ва ўзбек бастакорларининг («Эй, сарви равон», «Дуторим», «Ўйнаб ўтинг, шаббодалар», «Ўзбекистондан» ва б.) ашула, ялла ва қўшиқлари ўрин олган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.