Eritrazma
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 183–184-b. — ziyouz.com
Eritrazma (yun. — qizartiraman) — terining zamburuğ kasalligi. Asosan, kattalarda, köproq erkaklarda uçraydi. Kasallikka köp terlaş, havoning juda issiq va nam bölişi, şaxsiy gigiyena va terini töğri parvariş qiliş qoidalarining buzilişi sabab bölişi mumkin. Badanning köp terlaydigan joylari — sonning içki tomoni (yorğoqqa tegib turadigan qismi) da, qöltiqda, semiz ayollarning kökrak bezlari ostidagi va kindik atrofidagi teri burmalarida qönğirqizil rangda, har xil kattalikda, çeti qipiqlanib bir oz kötarilib turadigan doğlar paydo böladi, ba'zan bu doğlar oyoq panjasi orasida ham kuzatiladi. Doğlar atrofidagi soğ teridan rangi va aniq çegarasi bilan ajralib guradi. Ular asta-sekin kattalaşadi va bir-biriga qöşilib, terining xiylagina joyini egallab oladi, borabora kökimtir qönğir tusga kiradi. Kasallangan soha qiçişadi, usti doim namlanib turadi, ba'zan qölansa hid keladi, teri bir oz dağallaşadi. Davo bemorning umumiy ahvoliga qarab vraç körsatmasiga binoan olib boriladi. Davolanmasa, yillab davom etişi mumkin. E., ayniqsa, bahor va yoz paytlarida qöziydi. E. yuqmaydi. Kasallikning oldini oliş şaxsiy gigiyenaga rioya qiliş, köp terlamaslik, iç kiyimlarni tez-tez almaştirib turişdan iborat.
Asl matn (kirill, PDF'dagidek)
ЭРИТРАЗМА (юн. — қизартираман) — терининг замбуруғ касаллиги. Асосан, катталарда, кўпроқ эркакларда учрайди. Касалликка кўп терлаш, ҳавонинг жуда иссиқ ва нам бўлиши, шахсий гигиена ва терини тўғри парвариш қилиш қоидаларининг бузилиши сабаб бўлиши мумкин. Баданнинг кўп терлайдиган жойлари — соннинг ички томони (ёрғоққа тегиб турадиган қисми) да, қўлтиқда, семиз аёлларнинг кўкрак безлари остидаги ва киндик атрофидаги тери бурмаларида қўнғирқизил рангда, ҳар хил катталикда, чети қипиқланиб бир оз кўтарилиб турадиган доғлар пайдо бўлади, баъзан бу доғлар оёқ панжаси орасида ҳам кузатилади. Доғлар атрофидаги соғ теридан ранги ва аниқ чегараси билан ажралиб гуради. Улар аста-секин катталашади ва бир-бирига қўшилиб, терининг хийлагина жойини эгаллаб олади, борабора кўкимтир қўнғир тусга киради. Касалланган соҳа қичишади, усти доим намланиб туради, баъзан қўланса ҳид келади, тери бир оз дағаллашади. Даво беморнинг умумий аҳволига қараб врач кўрсатмасига биноан олиб борилади. Даволанмаса, йиллаб давом этиши мумкин. Э., айниқса, баҳор ва ёз пайтларида қўзийди. Э. юқмайди. Касалликнинг олдини олиш шахсий гигиенага риоя қилиш, кўп терламаслик, ич кийимларни тез-тез алмаштириб туришдан иборат.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.