Erix Mariya Remark
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 153-b. — ziyouz.com
Remark Erix Mariya REMARK (Remargue, Remark) Erix Mariya (1898.22.6, Osnabryuk — 1970.25.9, Lokarno, Şveysariya) — nemis yozuvçisi. Ğarbda «Yöqotilgan avlod» deb atalgan adabiyotning yirik vakili. 1-jahon uruşi qatnaşçisi. Asarlarida uruş dahşatlari, 2-jahon uruşi yillari va undan keyingi davrdagi hayotni, faşizmning mudhiş qiyofasi, ma'naviy ezilgan, özini jamiyatdan begonalaşgan deb his qiluvçi kişilar qismati aks etgan: «Ğarbiy frontda heç qanday özgariş yöq» (1929) asari uçun gitlerçilar R.ni nemis fuqaroligidan maxrum etgan. 1932 y.dan muhojirlikda. Uruşda ma'naviy şikastlangan avlodning ayançli hayoti «Qaytiş» (1931) romanining asosiy mazmunini taşkil etadi. «Uç dust» (1938), «Zafar darvozasi» (1946), «Hayot alangasi» (1952), «Hayotmamot pallasi» (1954), «Qora haykal» (1956), «Osmon heç qanday seviklini bilmaydi» (1961), «Lissabondagi tun» (1963), «Jannatdagi soyalar» (1971) va b. asarlar muallifi. «Ğarbiy frontda heç qanday özgariş yöq» va b. asarlaridan parçalar özbek tiliga tarjima qilingan.
Asl matn (kirill, PDF'dagidek)
РЕМАРК (Remargue, Remark) Эрих Мария (1898.22.6, Оснабрюк — 1970.25.9, Локарно, Швейцария) — немис ёзувчиси. Ғарбда «Йўқотилган авлод» деб аталган адабиётнинг йирик вакили. 1-жаҳон уруши қатнашчиси. Асарларида уруш даҳшатлари, 2-жаҳон уруши йиллари ва ундан кейинги даврдаги ҳаётни, фашизмнинг мудҳиш қиёфаси, маънавий эзилган, ўзини жамиятдан бегоналашган деб ҳис қилувчи кишилар қисмати акс этган: «Ғарбий фронтда ҳеч қандай ўзгариш йўқ» (1929) асари учун гитлерчилар Р.ни немис фуқаролигидан махрум этган. 1932 й.дан муҳожирликда. Урушда маънавий шикастланган авлоднинг аянчли ҳаёти «Қайтиш» (1931) романининг асосий мазмунини ташкил этади. «Уч дуст» (1938), «Зафар дарвозаси» (1946), «Ҳаёт алангаси» (1952), «Ҳаётмамот палласи» (1954), «Қора ҳайкал» (1956), «Осмон ҳеч қандай севиклини билмайди» (1961), «Лиссабондаги тун» (1963), «Жаннатдаги соялар» (1971) ва б. асарлар муаллифи. «Ғарбий фронтда ҳеч қандай ўзгариш йўқ» ва б. асарларидан парчалар ўзбек тилига таржима қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.