Erkin A'zam
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 189-b. — ziyouz.com
Erkin A'zam (A'zamov Erkin Normamatoviç) (1950.10.8, Boysun tumani) — yozuvçi, publitsist, ssenarist. Özbekistonda xizmat körsatgan jurnalist (1998), Toşkent un-tining jurnalistika f-tini tugatgan (1972). Özbekiston radiosida muharrir (1972— 76), «Guliston» jur. da muharrir, adabiy kotib (1976—81), «Yoşlik» jur.da bölim mudiri (1981—86), Ğafur Ğulom nomidagi Adabiyot va san'at naşriyotida tahririyat mudiri, ijodiy guruh rahbari (1986—92), Özbekiston Milliy axborot agentligi boş direktorining 1-örinbosari (1992—94). Respublika «Ma'naviyat va ma'rifat» jamoatçilik markazi rahbari örinbosari hamda «Tafakkur» jur.ning boş muharriri (1994 yildan).
Dastlabki hikoyalar töplami — «Çiroqlar öçmagan keça» (1977). «Otoyining tuğilgan yili» (1981), «Olam yam-yaşil» (1984), «Javob» (1986), «Bayramdan boşqa kunlar» (1988), «Pakananing oşiq köngli» (2001), «Keçikayotgan odam» (2002) kabi qissa va hikoyalardan iborat kitoblari naşr qilingan. E.A. asarlari öziga xos yumoristik bayon uslubi, kinoyali tili, kutilmagan badiiy yeçimlarga egaligi bilan ajralib turadi. Yozuvçining insonga xos eng çigal jihatlarni oçiq körsatmay, imo-işora orqali aks ettirişi uning asarlari ta'sirçanligini oşiradi. E.A. qissa va hikoyalarida oddiy va töpori, boşqalarga öxşamaydigan, dardu taşvişlari, şaxsiy keçinmalari bilan yaqqol ajralib turadigan badiiy xarakterlarni yaratgan. Xarakterlar falsafasini yoritiş, uslubiy taranglik, psixologik tahlilning kuçliligi, asar syujetining xarakterlar asosiga qurilişi, voqealar örtasidagi boğliqlikni obrazlar, detallar orqali ifodalaş, muallif va personaj nutqining yaqinligi, psixologizm va falsafiylikning muştarakligi E.A. badiiy uslubining asosiy xususiyatlari hisoblanadi. «Çantrimore», «Piyoda», «Pakana», «Dilxiroj», «Erkak» kabi ekran asarlarining hammuallifi. 1 va 2-çaqiriq Özbekiston Respublikasi Oliy Majlisi deputati.
Asl matn (kirill, PDF'dagidek)
ЭРКИН АЪЗАМ (Аъзамов Эркин Нормаматович) (1950.10.8, Бойсун тумани) — ёзувчи, публицист, сценарист. Ўзбекистонда хизмат кўрсатган журналист (1998), Тошкент ун-тининг журналистика ф-тини тугатган (1972). Ўзбекистон радиосида муҳаррир (1972— 76), «Гулистон» жур. да муҳаррир, адабий котиб (1976—81), «Ёшлик» жур.да бўлим мудири (1981—86), Ғафур Ғулом номидаги Адабиёт ва санъат нашриётида таҳририят мудири, ижодий гуруҳ раҳбари (1986—92), Ўзбекистон Миллий ахборот агентлиги бош директорининг 1-ўринбосари (1992—94). Республика «Маънавият ва маърифат» жамоатчилик маркази раҳбари ўринбосари ҳамда «Тафаккур» жур.нинг бош муҳаррири (1994 йилдан).
Дастлабки ҳикоялар тўплами — «Чироқлар ўчмаган кеча» (1977). «Отойининг туғилган йили» (1981), «Олам ям-яшил» (1984), «Жавоб» (1986), «Байрамдан бошқа кунлар» (1988), «Пакананинг ошиқ кўнгли» (2001), «Кечикаётган одам» (2002) каби қисса ва ҳикоялардан иборат китоблари нашр қилинган. Э.А. асарлари ўзига хос юмористик баён услуби, кинояли тили, кутилмаган бадиий ечимларга эгалиги билан ажралиб туради. Ёзувчининг инсонга хос энг чигал жиҳатларни очиқ кўрсатмай, имо-ишора орқали акс эттириши унинг асарлари таъсирчанлигини оширади. Э.А. қисса ва ҳикояларида оддий ва тўпори, бошқаларга ўхшамайдиган, дарду ташвишлари, шахсий кечинмалари билан яққол ажралиб турадиган бадиий характерларни яратган. Характерлар фалсафасини ёритиш, услубий таранглик, психологик таҳлилнинг кучлилиги, асар сюжетининг характерлар асосига қурилиши, воқеалар ўртасидаги боғлиқликни образлар, деталлар орқали ифодалаш, муаллиф ва персонаж нутқининг яқинлиги, психологизм ва фалсафийликнинг муштараклиги Э.А. бадиий услубининг асосий хусусиятлари ҳисобланади. «Чантриморэ», «Пиёда», «Пакана», «Дилхирож», «Эркак» каби экран асарларининг ҳаммуаллифи. 1 ва 2-чақириқ Ўзбекистон Республикаси Олий Мажлиси депутати.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.