Erkli Vohidovna Malikboyeva
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 140-b. — ziyouz.com
Malikboyeva Erkli Vohidovna (1928.16.12, Toşkent) — Özbekiston xalq artisti (1971). Toşkent teatr va rassomlik san'ati in-tini tugatgan (1950). 1949 y.dan Hamza teatri (hoz. Özbek milliy akademik drama teatri)da. Ijodining dastlabki yillari mumtoz va zamonaviy dramaturgiyada çuqur lirik obrazlar — Ofeliya («Gamlet»), Sarvinoz («Sevgi afsonasi»), Nazira («Oğriq tişlar»), Xannyan («Sabr kosasi») va b.ni mahorat b-n ijro etdi. Umeş («Gang daryosining qizi»), Umar («Jazoir mening Vatanim») kabi öğil bolalar obrazida M. ijodining yangi qirralari oçildi. Qahramonlarining öziga xos içki dunyosi, his-tuyğularini turli harakatlar, mimika, öziga xos talaffuz orqali işonarli talqin etdi. Şuningdek, Anorxon («Hurriyat»), Xadiça («Sarvqomat dilbarim»), Yelizaveta («Mariya Styuart»), Silviya («Zamon dramasi»), Oyşa («Imon»), Anna («Tirik murda»), Sottixon («Kelinlar qözğoloni») singari obrazlari tölaqonliligi, badiiy yetukligi b-n ajralib turadi. Qahramonning içki yoki taşki qiyofasini oçişda unga xos asosiy xislatni asos qilib olgan holda uning tabiatiga moslab betakror talqin tafsilotlarini topişi va natijada bir-biriga öxşamagan inson qiyofalarini namoyon qiliş M. ijodiga xos.
Asl matn (kirill, PDF'dagidek)
МАЛИКБОЕВА Эркли Воҳидовна (1928.16.12, Тошкент) — Ўзбекистон халқ артисти (1971). Тошкент театр ва рассомлик санъати ин-тини тугатган (1950). 1949 й.дан Ҳамза театри (ҳоз. Ўзбек миллий академик драма театри)да. Ижодининг дастлабки йиллари мумтоз ва замонавий драматургияда чуқур лирик образлар — Офелия («Гамлет»), Сарвиноз («Севги афсонаси»), Назира («Оғриқ тишлар»), Ханнян («Сабр косаси») ва б.ни маҳорат б-н ижро этди. Умеш («Ганг дарёсининг қизи»), Умар («Жазоир менинг Ватаним») каби ўғил болалар образида М. ижодининг янги қирралари очилди. Қаҳрамонларининг ўзига хос ички дунёси, ҳис-туйғуларини турли ҳаракатлар, мимика, ўзига хос талаффуз орқали ишонарли талқин этди. Шунингдек, Анорхон («Ҳуррият»), Хадича («Сарвқомат дилбарим»), Елизавета («Мария Стюарт»), Сильвия («Замон драмаси»), Ойша («Имон»), Анна («Тирик мурда»), Соттихон («Келинлар қўзғолони») сингари образлари тўлақонлилиги, бадиий етуклиги б-н ажралиб туради. Қаҳрамоннинг ички ёки ташки қиёфасини очишда унга хос асосий хислатни асос қилиб олган ҳолда унинг табиатига мослаб бетакрор талқин тафсилотларини топиши ва натижада бир-бирига ўхшамаган инсон қиёфаларини намоён қилиш М. ижодига хос.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.