Ersari
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 208-b. — ziyouz.com
Ersari — yirik turkman qabilalaridan biri. E.ning kelib çiqişi haqida ma'lumotlar juda oz. Manbalarga köra, E. qabilasi 14-asrda paydo bölgan. Rivoyatlarga qaraganda, qabila Ersari boy nomiga qöyilgan. Abulğoziy Bahodirxon ma'lumotiça, E.lar 16—17-asrlarda salor qabilasi tarkibida Bolxon toğlari yaqinida va Uzboyda yaşaganlar. 17-asrning 1-yarmida E.larning katta bir qismi Xorazmga kelib örnaşgan. 17-asrning 70-y.larida Xorazmdagi siyosiy voqealar natijasida E.lar bir qança turkman qabilalari bilan birga Amudaryoning örta oqimida hoz. Lebap (Çorjuy) viloyati, Sayot tumanidan boşlab Janubiy Afğoniston çegarasigaça bölgan hududlarga örnaşganlar. 18-asrning oxiri — 19-asrning boşlarida E.larning bir qismi turkmanlarning sariq va taka qabilalari bilan Murğob vohasiga joylaşgan. E.lar quyidagi yirik va kiçik uruğlarga bölingan: qora (qurayş, çekiç, gagan, qozon, mamiş, boy, islom, yaban), bekovul (sirli, uşakan, kultoq, lambe, yermi, toğoçi), uludepe (esonmetli, qoraça, surx, oq teri, qizil oyoq, etboş, çortoq, mesir, qorabağiş, aji, gaburdi, surxi, qurama), guneş (qorasoqol, sulaymon, umar, çokir, közölça, qurama). 1924 yil ma'lumotlariga qaraganda Özbekistonda E.lar Buxoro, Qarşi, Şerobod vohalarida ham yaşaşgan. E.lar turkman xalqi tarkibiga singib ketgan.
Asl matn (kirill, PDF'dagidek)
ЭРСАРИ — йирик туркман қабилаларидан бири. Э.нинг келиб чиқиши ҳақида маълумотлар жуда оз. Манбаларга кўра, Э. қабиласи 14-асрда пайдо бўлган. Ривоятларга қараганда, қабила Эрсари бой номига қўйилган. Абулғозий Баҳодирхон маълумотича, Э.лар 16—17-асрларда салор қабиласи таркибида Болхон тоғлари яқинида ва Узбойда яшаганлар. 17-асрнинг 1-ярмида Э.ларнинг катта бир қисми Хоразмга келиб ўрнашган. 17-асрнинг 70-й.ларида Хоразмдаги сиёсий воқеалар натижасида Э.лар бир қанча туркман қабилалари билан бирга Амударёнинг ўрта оқимида ҳоз. Лебап (Чоржуй) вилояти, Саёт туманидан бошлаб Жанубий Афғонистон чегарасигача бўлган ҳудудларга ўрнашганлар. 18-асрнинг охири — 19-асрнинг бошларида Э.ларнинг бир қисми туркманларнинг сариқ ва така қабилалари билан Мурғоб воҳасига жойлашган. Э.лар қуйидаги йирик ва кичик уруғларга бўлинган: қора (қурайш, чекич, гаган, қозон, мамиш, бой, ислом, ябан), бековул (сирли, ушакан, култоқ, ламбе, ерми, тоғочи), улудепе (эсонметли, қорача, сурх, оқ тери, қизил оёқ, этбош, чортоқ, месир, қорабағиш, ажи, габурди, сурхи, қурама), гунеш (қорасоқол, сулаймон, умар, чокир, кўзўлча, қурама). 1924 йил маълумотларига қараганда Ўзбекистонда Э.лар Бухоро, Қарши, Шеробод воҳаларида ҳам яшашган. Э.лар туркман халқи таркибига сингиб кетган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.