Espiritusantu
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 222-b. — ziyouz.com
Espiritusantu — Braziliyaning şarqiy qismidagi ştat. Mayd. 46,2 ming km2. Aholisi 3,1 mln. kişi (2000). Ma'muriy markazi — Vitoriya şahri Ştatning ğarbiy qismini Braziliya yassitoğligi, şarqini botqoqlaşgan Atlantikaböyi pasttekisligi egallagan. Iklimi tropik, pasttekislikda issiq va sernam (örtaça oylik tralar 20—26°, yillik yoğin 1500—1700 mm), yassitoğlikda salqinroq, yillik yoğin 1000—1200 mm. Sernam tropik örmonlar, sohil qismida aralaş tropik örmonlar bor.
Iqtisodiyotining asosini q.x. taşkil qiladi. Kofe, sitrus mevalar va kakao plantatsiyalari bor. Şuningdek, şakarqamiş, şoli, maniok, dukkakli ekinlar, makkajöxori, tamaki ham yetiştiriladi. Foydali qazilmalardan tarkibida toriy, uran va sirkoniy bölgan monatsit qumlar, plavikli şpat, marmar konlari, mineral suvli buloqlar bor. Töqimaçilik va oziq-ovqat sanoati korxonalari mavjud. Quriliş materiallari işlab çiqariladi. Qirğoqqa yaqin suvlardan baliq ovlanadi. Taşqi savdo aylanmasida Vitoriya dengiz porti muhim ahamiyatga ega.
Asl matn (kirill, PDF'dagidek)
ЭСПИРИТУСАНТУ — Бразилиянинг шарқий қисмидаги штат. Майд. 46,2 минг км2. Аҳолиси 3,1 млн. киши (2000). Маъмурий маркази — Витория шаҳри Штатнинг ғарбий қисмини Бразилия ясситоғлиги, шарқини ботқоқлашган Атлантикабўйи пасттекислиги эгаллаган. Иклими тропик, пасттекисликда иссиқ ва сернам (ўртача ойлик тралар 20—26°, йиллик ёғин 1500—1700 мм), ясситоғликда салқинроқ, йиллик ёғин 1000—1200 мм. Сернам тропик ўрмонлар, соҳил қисмида аралаш тропик ўрмонлар бор.
Иқтисодиётининг асосини қ.х. ташкил қилади. Кофе, цитрус мевалар ва какао плантациялари бор. Шунингдек, шакарқамиш, шоли, маниок, дуккакли экинлар, маккажўхори, тамаки ҳам етиштирилади. Фойдали қазилмалардан таркибида торий, уран ва цирконий бўлган монацит қумлар, плавикли шпат, мармар конлари, минерал сувли булоқлар бор. Тўқимачилик ва озиқ-овқат саноати корхоналари мавжуд. Қурилиш материаллари ишлаб чиқарилади. Қирғоққа яқин сувлардан балиқ овланади. Ташқи савдо айланмасида Витория денгиз порти муҳим аҳамиятга эга.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.