Etnolingvistika

Etnolingvistika (etno... va lingvistika) — tilşunoslikning til va til egasi bölgan xalq orasidagi boğliqdik hamda munosabatlarni, til rivoji, vazifaviy xususiyatlariga lisoniy, etnik omillarning birgalikdagi ta'sirini örganuvçi sohasi. Til bilan etnik xususiyatlarning özaro munosabati, bir-biriga ta'siri ikki tomonlama böladi: etnik omillar (etnosning urf-odatlari, milliy an'analari, falsafiy, diniy qaraşlari va boşqalar)ning til rivojiga ta'siri va, aksinça, til vazifaviy imkoniyatlarining etnos va etnik xususiyatlarning şakllanişiga ijobiy ta'siri. E. til va uning rivojiga turli etnik guruhlarning qançalik hissa qöşganini, bu jarayonda etnoslar orasidagi yaqinlik, muştaraklik yoki ularning bir-biridan ajraliş, uzoqlaşiş xususiyatlarini tadqiq qiladi. Tilşunoslikning etnik onomastika, areal lingvistika, lingvistik geografiya, dialektologiya, til tarixi, sotsiolingvistika, xaritaşunoslik sohalari E. erişgan ilmiy natijalardan foydalanadi. E., ayniqsa, yozuvga ega bölmagan xalqlarning etnografiyasini örganişda, ularning tillaridagi etnik xususiyatlar bilan boğliq lisoniy materiallarni töplaş va tadqiq qilişda qöl keladi.

Ad.: Zveginsev V.A., Etnolingvistika, v yego kn.: Istoriya yazşkovedeniya XIX—XX vv. v oçerkax i izvleçeniyax, t. 2, M., 1965; Etniçeskaya onomastika, M., 1971; Etniçeskayatoponimika, M., 1987.