Fan nomzodi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 36–37-b. — ziyouz.com
Fan nomzodi - Özbekistonda beriladigan ilmiy daraja. Oliy öquv yurtlari va i.t. institutlari koşidagi ixtisoslaşgan ilmiy kengaşlar tomonidan nomzodlik imtihonlarini topşirgan, fanning dolzarb muammolari böyiça mustaqil yozilgan dissertatsiya tadqiqot işini himoya qilgan oliy ma'lumotli şaxslarga beriladi. 1934 y.da ta'sis etilgan. F.n. ilmiy darajasini oliş uçun yozilgan dissertatsiyalar ÖzR Vazirlar Mahkamasi huzuridagi Oliy attestatsiya komissiyasi tomonidan nazorat tariqasida körib çiqiladi va F.n. ilmiy darajasini tasdiqlovçi diplom beriladi. F.n. oliy öquv yurti yoki i.t. institutlarida dotsent, katta ilmiy xodim, kafedra, bölim, lab. mudiri lavozimlarini egallaş uçun tanlovlarda qatnaşiş va fan doktora ilmiy darajasini oliş uçun yozilgan dissertatsiyani himoya qiliş huquqiga ega. F.n. ilmiy darajasini oliş uçun dissertatsiya aspirantura ta'limi davrida yoki mustaqil ravişda yoziladi. Dissertatsiyada yangi ilmiy va amaliy xulosa hamda tavsiyalar berilişi, tadqiqotçining mustaqil ilmiy işlar olib boriş qobiliyati namoyiş etilişi, fanning mazkur sohasidagi nazariy bilimdonligi aks etişi lozim. F.n. ilmiy darajasini oliş uçun yozilgan dissertatsiyaning asosiy goyalari qator ilmiynazariy va amaliy yönalişdagi maqolalarda, tavsiya va qöllanmalarda öz ifodasini topmoği kerak. Dissertatsiyaning himoyasi oliy öquv yurtlari va i.t. institutlari qoşidagi birlaşgan ixtisoslaştirilgan ilmiy kengaşlarda amalga oşiriladi. 2002 y. Özbekistonda ilmfanning turli sohalarida 8904 F.n. faoliyat yuritdi.
Asl matn (kirill, PDF'dagidek)
ФАН НОМЗОДИ - Ўзбекистонда бериладиган илмий даража. Олий ўқув юртлари ва и.т. институтлари кошидаги ихтисослашган илмий кенгашлар томонидан номзодлик имтиҳонларини топширган, фаннинг долзарб муаммолари бўйича мустақил ёзилган диссертация тадқиқот ишини ҳимоя қилган олий маълумотли шахсларга берилади. 1934 й.да таъсис этилган. Ф.н. илмий даражасини олиш учун ёзилган диссертациялар ЎзР Вазирлар Маҳкамаси ҳузуридаги Олий аттестация комиссияси томонидан назорат тариқасида кўриб чиқилади ва Ф.н. илмий даражасини тасдиқловчи диплом берилади. Ф.н. олий ўқув юрти ёки и.т. институтларида доцент, катта илмий ходим, кафедра, бўлим, лаб. мудири лавозимларини эгаллаш учун танловларда қатнашиш ва фан доктора илмий даражасини олиш учун ёзилган диссертацияни ҳимоя қилиш ҳуқуқига эга. Ф.н. илмий даражасини олиш учун диссертация аспирантура таълими даврида ёки мустақил равишда ёзилади. Диссертацияда янги илмий ва амалий хулоса ҳамда тавсиялар берилиши, тадқиқотчининг мустақил илмий ишлар олиб бориш қобилияти намойиш этилиши, фаннинг мазкур соҳасидаги назарий билимдонлиги акс этиши лозим. Ф.н. илмий даражасини олиш учун ёзилган диссертациянинг асосий гоялари қатор илмийназарий ва амалий йўналишдаги мақолаларда, тавсия ва қўлланмаларда ўз ифодасини топмоғи керак. Диссертациянинг ҳимояси олий ўқув юртлари ва и.т. институтлари қошидаги бирлашган ихтисослаштирилган илмий кенгашларда амалга оширилади. 2002 й. Ўзбекистонда илмфаннинг турли соҳаларида 8904 Ф.н. фаолият юритди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.