Farğona viloyat davlat rus drama teatri

Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 53–54-b. — ziyouz.com

Farğona viloyat davlat rus drama teatri — Özbekistondagi yirik teatrlardan biri. Dastlab, yoş tomoşabinlar teatri sifatida taşkil qilinib (1934), 1938 y. drama teatriga aylantirilgan. «Çapayev», «Ikki boyga bir malay», «Revizor» singari dastlabki spektakllarning sahnalaştirilişida teatrning birinçi badiiy rahbari va rej.i G.D. Abdulov (1970 y.gaça işlagan)ning xizmati katta . V. Şçukareva, T. Şlyapnikova, F. Gorniy, S. Malsev, A. Çerkasov, N. Ribakov va b. teatrning dastlabki aktyorlari, boş rassomi A. N. Uzlov teatr şakllanişi, uning keyingi ravnaqi, mustahkam mavqega ega bölişiga munosib hissa qöşdilar.

2-jahon uruşi davrida teatr truppasi Qöqon ş.ga köçiriladi. 1956 y. rus teatri yana öz binosiga qaytadi. Teatr repertuarini köproq mumtoz va özbek yozuvçilari asarlari asosida yaratilgan spektakllarga karatadi. «Bir stakan suv» (O.E. Skrib), «Söna» (E. Voyniç), «Palata» (S. Alyoşin), «Farhod va Şirin» (Xurşid), «Irkutsk vokeasi» (A. Arbuzov), «Maysaraning işi» (Hamza), «Hayot qöşiği» (Uyğun), «Yurak sirlari» (B. Rahmonov), «Tohir va Zuhra» (S. Abdulla), «Şohsanam» (xalq dostoni) va b. şular jumlasidan.

Teatr spektakl yaratişda epikqahramonlik, maişiypsixologik drama, komediyalar, ötkir satirik, lirik pyesalarga alohida e'tibor bergan. «Serşovqin joy», «Puçina», «Quturgan pullar» (A. Ostrovskiy), «Zulmat hukmronligi» (L. Tolstoy), «Jalalar oraliğida» (A. Şteyn), «Biz keldik» (V. Yernev), «Qişloq komediyasi» (M. Varfolomeyev), «Retro» (A. Galin), «Riyokor tutqunligi» (M. Bulgakov) kabilar bunga misoldir.

Mustakillikdan keyin teatr hayoti qayta özgarişlarga boy böldi. Teatr qoşida aktyorlik studiyasi oçildi. Teatr jamoasi yangi aktyorlar b-n töldirildi. Yoş aktyorlar mahoratini oşiriş maqsadida çetdan respublikaning tanikli rej.lari (mas, V. Umarov, M. Abdullayeva va b.) taklif etildi. Teatr ijodkorlari ijod qiliş va tomoşabinlarga xizmat körsatişning yangi şakllarini izlamoqda, sahnaga zamonning dolzarb muammolarini olib çiqişi b-n bir qatorda mumtoz, tarixiy asarlarga ham keng örin berilmokda. «Ğiraşiradagi öyin» (V. Bagramov), «Huşiga kelmay gurib» (K. Novak), «Şaytonlik» (N. Gogol, «Soroçinsk yarmarkasi» asari asosida), «AlManzori uzuklari» (şarq ertaklaridan), «Amakimning tuşi» (F. Dostoyevskiy), «Kodjin ğovğalari» (K. Goldoni), «Fargona farzandi» (Y. Sulaymon, alFarğoniy hayoti haqida) va b. sönggi yillar mahsulidir. K. Novak, H. Saidov, L. Safkova, O. Şokirova, O. Bugayev, L. Akromov va b. teatrning yetakçi aktyorlaridir. Teatrning badiiy rahbari — Husan Saidov, boş rassom — N. Kamenskiy.

Asl matn (kirill, PDF'dagidek)

ФАРҒОНА ВИЛОЯТ ДАВЛАТ РУС ДРАМА ТЕАТРИ — Ўзбекистондаги йирик театрлардан бири. Дастлаб, ёш томошабинлар театри сифатида ташкил қилиниб (1934), 1938 й. драма театрига айлантирилган. «Чапаев», «Икки бойга бир малай», «Ревизор» сингари дастлабки спектаклларнинг саҳналаштирилишида театрнинг биринчи бадиий раҳбари ва реж.и Г.Д. Абдулов (1970 й.гача ишлаган)нинг хизмати катта . В. Шчукарева, Т. Шляпникова, Ф. Горний, С. Мальцев, А. Черкасов, Н. Рибаков ва б. театрнинг дастлабки актёрлари, бош рассоми А. Н. Узлов театр шаклланиши, унинг кейинги равнақи, мустаҳкам мавқега эга бўлишига муносиб ҳисса қўшдилар.

2-жаҳон уруши даврида театр труппаси Қўқон ш.га кўчирилади. 1956 й. рус театри яна ўз биносига қайтади. Театр репертуарини кўпроқ мумтоз ва ўзбек ёзувчилари асарлари асосида яратилган спектаклларга каратади. «Бир стакан сув» (О.Э. Скриб), «Сўна» (Э. Войнич), «Палата» (С. Алёшин), «Фарҳод ва Ширин» (Хуршид), «Иркутск вокеаси» (А. Арбузов), «Майсаранинг иши» (Ҳамза), «Ҳаёт қўшиғи» (Уйғун), «Юрак сирлари» (Б. Раҳмонов), «Тоҳир ва Зуҳра» (С. Абдулла), «Шоҳсанам» (халқ достони) ва б. шулар жумласидан.

Театр спектакль яратишда эпикқаҳрамонлик, маишийпсихологик драма, комедиялар, ўткир сатирик, лирик пьесаларга алоҳида эътибор берган. «Сершовқин жой», «Пучина», «Қутурган пуллар» (А. Островский), «Зулмат ҳукмронлиги» (Л. Толстой), «Жалалар оралиғида» (А. Штейн), «Биз келдик» (В. Ернев), «Қишлоқ комедияси» (М. Варфоломеев), «Ретро» (А. Галин), «Риёкор тутқунлиги» (М. Булгаков) кабилар бунга мисолдир.

Мустакилликдан кейин театр ҳаёти қайта ўзгаришларга бой бўлди. Театр қошида актёрлик студияси очилди. Театр жамоаси янги актёрлар б-н тўлдирилди. Ёш актёрлар маҳоратини ошириш мақсадида четдан республиканинг таникли реж.лари (мас, В. Умаров, М. Абдуллаева ва б.) таклиф этилди. Театр ижодкорлари ижод қилиш ва томошабинларга хизмат кўрсатишнинг янги шаклларини изламоқда, саҳнага замоннинг долзарб муаммоларини олиб чиқиши б-н бир қаторда мумтоз, тарихий асарларга ҳам кенг ўрин берилмокда. «Ғираширадаги ўйин» (В. Баграмов), «Ҳушига келмай гуриб» (К. Новак), «Шайтонлик» (Н. Гоголь, «Сорочинск ярмаркаси» асари асосида), «АлМанзори узуклари» (шарқ эртакларидан), «Амакимнинг туши» (Ф. Достоевский), «Кьоджин ғовғалари» (К. Гольдони), «Фаргона фарзанди» (Й. Сулаймон, алФарғоний ҳаёти ҳақида) ва б. сўнгги йиллар маҳсулидир. К. Новак, Ҳ. Саидов, Л. Сафкова, О. Шокирова, О. Бугаев, Л. Акромов ва б. театрнинг етакчи актёрларидир. Театрнинг бадиий раҳбари — Ҳусан Саидов, бош рассом — Н. Каменский.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.