Farğona viloyat ölkaşunoslik muzeyi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 54–55-b. — ziyouz.com
Farğona viloyat ölkaşunoslik muzeyi — madaniy-ma'rifiy muassasa; Respublikadagi keksa muzeylardan. Fargona ş.da joylaşgan. 1894 y.da Yangi Marğilon (hoz. Farğona) ş.da oçilgan Q.x. va sanoat körgazmasi negizida 1895 y.da asos solingan. Dastlab «Fargona viloyati xalq muzeyi» (1899— 1911, fondida 2223 dona buyum va kitoblar bölgan), «Farğona şahar ilmiy muzeyi» (1920—38) nomlari b-n atalgan. 1938 y.dan hoz. nomida. Muzeyning tarix, tabiat, ilmiyma'rifiy, san'at hamda xazina bölimlari bor. Muzey ölka tabiati va qadimdan 20-a. boşlarigaça bölgan tarixini özida aks ettirgan doimiy ekspozitsiya (arxeologik topilmalar, amaliy san'at namunalari, san'at asarlari va b.)ga ega. Muzey fondida arxeologiya (10000 dan ziyod), numizmatika (7895 ta), amaliy san'at (900 ta nodir kulollik, 1200 ta miskarlik, 562 ta zargarlik, 1670 ta kiyim va kaştadözlik buyumlari va b.), tasviriy san'at (1000 dan ziyod) va b. dan iborat osori atikalar mavjud. Muzey tarkibiga Hamza Hakimzoda Niyoziy memorial muzeyi (Şohimardonda), Adabiyot va san'at muzeyi (Marğilonda) hamda viloyatning şahar va tumanlaridagi boşqa jamoatçilik muzeylari kirgan. Muzey zamonaviy texnika b-n jihozlangan (jumladan, Internetga ulangan kompyuter tizimiga ega). Muzey i.t. işlarini olib boradi, xorijiy mamlakatlar (Angliya, Yaponiya va b.) b-n hamkorlik qiladi. Muzey 1985 y.dan maxsus qurilgan zamonaviy binoda joylaşgan.
Asl matn (kirill, PDF'dagidek)
ФАРҒОНА ВИЛОЯТ ЎЛКАШУНОСЛИК МУЗЕЙИ — маданий-маърифий муассаса; Республикадаги кекса музейлардан. Фаргона ш.да жойлашган. 1894 й.да Янги Марғилон (ҳоз. Фарғона) ш.да очилган Қ.х. ва саноат кўргазмаси негизида 1895 й.да асос солинган. Дастлаб «Фаргона вилояти халқ музейи» (1899— 1911, фондида 2223 дона буюм ва китоблар бўлган), «Фарғона шаҳар илмий музейи» (1920—38) номлари б-н аталган. 1938 й.дан ҳоз. номида. Музейнинг тарих, табиат, илмиймаърифий, санъат ҳамда хазина бўлимлари бор. Музей ўлка табиати ва қадимдан 20-а. бошларигача бўлган тарихини ўзида акс эттирган доимий экспозиция (археологик топилмалар, амалий санъат намуналари, санъат асарлари ва б.)га эга. Музей фондида археология (10000 дан зиёд), нумизматика (7895 та), амалий санъат (900 та нодир кулоллик, 1200 та мискарлик, 562 та заргарлик, 1670 та кийим ва каштадўзлик буюмлари ва б.), тасвирий санъат (1000 дан зиёд) ва б. дан иборат осори атикалар мавжуд. Музей таркибига Ҳамза Ҳакимзода Ниёзий мемориал музейи (Шоҳимардонда), Адабиёт ва санъат музейи (Марғилонда) ҳамда вилоятнинг шаҳар ва туманларидаги бошқа жамоатчилик музейлари кирган. Музей замонавий техника б-н жиҳозланган (жумладан, Интернетга уланган компьютер тизимига эга). Музей и.т. ишларини олиб боради, хорижий мамлакатлар (Англия, Япония ва б.) б-н ҳамкорлик қилади. Музей 1985 й.дан махсус қурилган замонавий бинода жойлашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.