Farğona viloyat qöğirçoq teatri
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 55-b. — ziyouz.com
Farğona viloyat qöğirçoq teatri — 1993 y. taşkil bölgan. Dastlab (1989 y. dek.dan) teatr studiyasi sifatida faoliyat körsatgan, 1993 y. 1 martdan hoz. nomda. «Qöğirçoqbozlar tomoşasi» (Ğayratiy) spektakli b-n oçilgan. Habibullo Hakimov, Mayram Aşurova, Muhammadsoli Yusupovlar teatrning dastlabki ijodkorlaridan. Keyinçalik «Sirli sandiq» (O. Tolipov), «Ğaroyib poyga» (Spiranskiy) kabi spektakllar b-n öz mavqeini mustaxkamladi. Italo Kalvinaning «Uç apelsin» asari asosida H. Hakimov ssenariysi böyiça sahnalaştirilgan spektakl Respublika qöğirçoq teatrlari 4festivali (Andijon, 1993 y.) da «Eng yaxşi musiqali spektakl» nominatsiyasiga, 1995 y. 5festival (Toşkent)da «Yovvoyi ördakça» spektakli «Eng yaxşi spektakl» sovriniga sazovor bölgan. Şu spektaklni yaratganlar (rej. H. Hakimov, S. Sedukin — rassom, R. Litvin — kompozitor, N. Maslova — aktrisa) «Eng yaxşi rejissura», «Eng yaxşi rassom», «Eng yaxşi musiqa», «Eng yaxşi ayol roli» nominatsiyalari ğolibi bölganlar. Navoiy va Fuzuliy poeziyasi asosida sahnalaştirilgan «Layli va Majnun» musiqali spektakli teatrning sönggi yillar maqsulidir. Teatrning badiiy rahbari — Habibullo Hakimov, boş rassom — Şuhrat Abdumalikov.
Asl matn (kirill, PDF'dagidek)
ФАРҒОНА ВИЛОЯТ ҚЎҒИРЧОҚ ТЕАТРИ — 1993 й. ташкил бўлган. Дастлаб (1989 й. дек.дан) театр студияси сифатида фаолият кўрсатган, 1993 й. 1 мартдан ҳоз. номда. «Қўғирчоқбозлар томошаси» (Ғайратий) спектакли б-н очилган. Ҳабибулло Ҳакимов, Майрам Ашурова, Муҳаммадсоли Юсуповлар театрнинг дастлабки ижодкорларидан. Кейинчалик «Сирли сандиқ» (О. Толипов), «Ғаройиб пойга» (Спиранский) каби спектакллар б-н ўз мавқеини мустахкамлади. Итало Кальвинанинг «Уч апельсин» асари асосида Ҳ. Ҳакимов сценарийси бўйича саҳналаштирилган спектакль Республика қўғирчоқ театрлари 4фестивали (Андижон, 1993 й.) да «Энг яхши мусиқали спектакль» номинациясига, 1995 й. 5фестивал (Тошкент)да «Ёввойи ўрдакча» спектакли «Энг яхши спектакль» совринига сазовор бўлган. Шу спектаклни яратганлар (реж. Ҳ. Ҳакимов, С. Седукин — рассом, Р. Литвин — композитор, Н. Маслова — актриса) «Энг яхши режиссура», «Энг яхши рассом», «Энг яхши мусиқа», «Энг яхши аёл роли» номинациялари ғолиби бўлганлар. Навоий ва Фузулий поэзияси асосида саҳналаштирилган «Лайли ва Мажнун» мусиқали спектакли театрнинг сўнгги йиллар мақсулидир. Театрнинг бадиий раҳбари — Ҳабибулло Ҳакимов, бош рассом — Шуҳрат Абдумаликов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.