Farğona viloyati
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 55-b. — ziyouz.com
Farğona viloyati — Turkiston general-gubernatorligi tarkibidagi viloyatlardan biri. 1876 y. 19 fev. da Rossiya imperiyasi tomonidan bosib olingan Qöqon xonligi hududida taşkil qilingan. Tarkibiga Marğilon, Andijon, Qöqon, Namangan, Öş uyezdlari va Pomir kirgan. Mayd. taxm. 160,1 ming km. Ma'muriy markazi — Yangi Marğilon ş. (1907—24 y.larda Skobelev ş.). F.v. aholisi 1897 y.gi aholi röyxatiga köra, 1560411 kişidan iborat bölgan. Aholisining asosiy maşğuloti — dehqonçilik va çorvaçilik. Viloyatda ekin ekiladigan yerlar 860000 desyatinani taşkil qilgan. Dehqonçilikda, asosan, buğdoy, kunjut, paxta, tamaki, beda, jöxori, arpa, tariq va b. ekilgan. Ayniqsa, paxtaçilikka e'tibor berilgan, 1901 y. viloyatning 232500 desyatina yeriga paxta ekilgan. Boğdorçilik rivojlangan.
F.v.dan çetga paxta, ipak, jun, poyabzal, teri, gilam, şoli çiqarilgan. Mahalliy maktab va öquv yurtlari 2246 ta, masjidlar 6554 bölgan. F.v. aholisi Rossiya imperiyasining mustamlakaçilik siyosatiga karşi köplab çiqişlar qilgan. Ayniqsa, 1898 y.dagi Andijon qöztloni va 1916 y.dagi Örta Osiyo qözğolonida faol qatnaşgan. 1924 y. Örta Osiyo respublikalarida milliy davlat çegaralanişi ötkazilişi munosabati b-n F.v. tugatilgan.
Asl matn (kirill, PDF'dagidek)
ФАРҒОНА ВИЛОЯТИ — Туркистон генерал-губернаторлиги таркибидаги вилоятлардан бири. 1876 й. 19 фев. да Россия империяси томонидан босиб олинган Қўқон хонлиги ҳудудида ташкил қилинган. Таркибига Марғилон, Андижон, Қўқон, Наманган, Ўш уездлари ва Помир кирган. Майд. тахм. 160,1 минг км. Маъмурий маркази — Янги Марғилон ш. (1907—24 й.ларда Скобелев ш.). Ф.в. аҳолиси 1897 й.ги аҳоли рўйхатига кўра, 1560411 кишидан иборат бўлган. Аҳолисининг асосий машғулоти — деҳқончилик ва чорвачилик. Вилоятда экин экиладиган ерлар 860000 десятинани ташкил қилган. Деҳқончиликда, асосан, буғдой, кунжут, пахта, тамаки, беда, жўхори, арпа, тариқ ва б. экилган. Айниқса, пахтачиликка эътибор берилган, 1901 й. вилоятнинг 232500 десятина ерига пахта экилган. Боғдорчилик ривожланган.
Ф.в.дан четга пахта, ипак, жун, пойабзал, тери, гилам, шоли чиқарилган. Маҳаллий мактаб ва ўқув юртлари 2246 та, масжидлар 6554 бўлган. Ф.в. аҳолиси Россия империясининг мустамлакачилик сиёсатига карши кўплаб чиқишлар қилган. Айниқса, 1898 й.даги Андижон қўзтлони ва 1916 й.даги Ўрта Осиё қўзғолонида фаол қатнашган. 1924 й. Ўрта Осиё республикаларида миллий давлат чегараланиши ўтказилиши муносабати б-н Ф.в. тугатилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.