Faxri hirotiy
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 78-b. — ziyouz.com
Faxri hirotiy FAXRI HIROTIY, Amiriy (ta xalluslari; asl ismşarifi Sulton Muhammad ibn Amir Muhammad) (15-a., Hirot — 1562/63, Hindiston) — şoir, adabiyotşunos. Alişer Navoiyning «Majolis unnafois»ini «Latoyifnoma» nomi b-n forsçaga qayta tarjima qilgan (1521—22). F.H. asarga bir neça bob ilova qilib, «Majolis unnafois»ga kirmagan 189 şoir haqida ma'lumot keltirgan. Tazkiraçilikda Navoiy an'analarini davom ettirgan. Uning «Sanoye' ulhasan» asari badiiyat ilmi, qofiya va aruzga bağişlangan, «Haft kişvar»da tarixiy voqealar, turli afsonalar, axloqiy masalalar aks etgan. Şe'rlaridan 5000 baytli devon tuzgan. F.H. keyinçalik keng tarqalgan «Radoif ulaş'or» majmualari tuziş an'anasini boşlab bergan. Majmua turli davrlarga mansub şoirlar şe'rlaridan arab alifbosi tartibida gazal, qasida va b. şe'rlarning radifi böyiça tuzilgan. F.H. «Böstoni xayol», «Tuqfat ulhabib», «Javohir ulajoyib», «Ravzat ussalotin» va b. asarlar ham yozgan.
As.Vohidov R., «Majolis unnafois»ning tarjimalari, T., 1984.
Asl matn (kirill, PDF'dagidek)
ФАХРИ ҲИРОТИЙ, Амирий (та халлуслари; асл исмшарифи Султон Муҳаммад ибн Амир Муҳаммад) (15-а., Ҳирот — 1562/63, Ҳиндистон) — шоир, адабиётшунос. Алишер Навоийнинг «Мажолис уннафоис»ини «Латойифнома» номи б-н форсчага қайта таржима қилган (1521—22). Ф.Ҳ. асарга бир неча боб илова қилиб, «Мажолис уннафоис»га кирмаган 189 шоир ҳақида маълумот келтирган. Тазкирачиликда Навоий анъаналарини давом эттирган. Унинг «Саноеъ улҳасан» асари бадиият илми, қофия ва арузга бағишланган, «Ҳафт кишвар»да тарихий воқеалар, турли афсоналар, ахлоқий масалалар акс этган. Шеърларидан 5000 байтли девон тузган. Ф.Ҳ. кейинчалик кенг тарқалган «Радоиф улашъор» мажмуалари тузиш анъанасини бошлаб берган. Мажмуа турли даврларга мансуб шоирлар шеърларидан араб алифбоси тартибида газал, қасида ва б. шеърларнинг радифи бўйича тузилган. Ф.Ҳ. «Бўстони хаёл», «Туқфат улҳабиб», «Жавоҳир улажойиб», «Равзат уссалотин» ва б. асарлар ҳам ёзган.
Ас.Воҳидов Р., «Мажолис уннафоис»нинг таржималари, Т., 1984.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.