Federiko Garsia Lorka
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 99-b. — ziyouz.com
Garsia Lorka Federiko GARSIA LORKA (Garcia Lorca) Federiko (1898.5.6, Fuentevakeros — 1936.19.8, Granada yaqinida) — ispan şoiri va dramaturgi. Uning ijodi ispan xalq oğzaki ijodi an'analarini yangiça talqin etiş asosida şakllandi. «Qöşiqlar» (1927), «Lölilar romanserosi» (1928) kabi asarlarida oğir va fojiali voqea-hodisalarni boşidan keçirgan jabrdiyda kişilarga, oddiy mehnatkaşlarga hamdöstlik va xayrixohlik tuyğulari kuçli va yorqin aks etgan. «Şoir Nyu-Yorkda» şe'rlar töplami (1935, naşri 1940), «Ajoyib kavuşdöz ayol» pyesasi (1930), «Qonli töy».(1933), «Iyerma» (1934) tragediyalari va «Bernard Alba uyi» (1936) qaxramonlik dramasida oddiy kişilarning zolimlar zulmiga qarşi nafrati ifodalangan. Granada isyonida faşistlar tomonidan otib öddirilgan. Asarlari özbek tiliga ham tarjima qilingan («Ispan jandarmlari haqida romans», «Gitara», «Teatr haqida söz», «Çorraha», «Çavandoz qöşiği» va b.) As.:Et qayğuli şodlik. Şe'rlar va dostonlar [Ispançadan Şavkat Rahmon tarjimasi], T., 1989.
Asl matn (kirill, PDF'dagidek)
ГАРСИА ЛОРКА (Garcia Lorca) Федерико (1898.5.6, Фуэнтевакерос — 1936.19.8, Гранада яқинида) — испан шоири ва драматурги. Унинг ижоди испан халқ оғзаки ижоди анъаналарини янгича талқин этиш асосида шаклланди. «Қўшиқлар» (1927), «Лўлилар романсероси» (1928) каби асарларида оғир ва фожиали воқеа-ҳодисаларни бошидан кечирган жабрдийда кишиларга, оддий меҳнаткашларга ҳамдўстлик ва хайрихоҳлик туйғулари кучли ва ёрқин акс этган. «Шоир Нью-Йоркда» шеърлар тўплами (1935, нашри 1940), «Ажойиб кавушдўз аёл» пьесаси (1930), «Қонли тўй».(1933), «Иерма» (1934) трагедиялари ва «Бернард Альба уйи» (1936) қахрамонлик драмасида оддий кишиларнинг золимлар зулмига қарши нафрати ифодаланган. Гранада исёнида фашистлар томонидан отиб ўддирилган. Асарлари ўзбек тилига ҳам таржима қилинган («Испан жандармлари ҳақида романс», «Гитара», «Театр ҳақида сўз», «Чорраҳа», «Чавандоз қўшиғи» ва б.) Ас.:Эт қайғули шодлик. Шеърлар ва достонлар [Испанчадан Шавкат Раҳмон таржимаси], Т., 1989.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.