Flebit
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 178-b. — ziyouz.com
Flebit (yun. phlebos — vena, itis — yalliğlaniş) — venalarning yalliğlanişi. Köloyoq venalari flebiti, odatda, yuqumli kasalliklar, yiringli yaralar, abssess, flegmonaning asorati sifatida, şuningdek, tuğruqsan keyin yuzaga kelişi mumkin. Aksari streptokokklar qözğatadi. Qöloyoqning yuza va çuqur venalari, çanoq venalari flebiti köproq uçraydi. Venada tromb hosil bölişidan tromboflebit kelib çiqadi. Ötkir va surunkali F. farq qilinadi. Ötkir yuza F.da vena qattiqlaşib, oğriydi va şu joy terisi qizaradi, bemor lohaslanadi, isitmalaydi. Surunkali F. yillab çözilişi va botbot qözib turişi mumkin. Çuqur venalar F.ida kasallik alomatlari yaqqol közga taşlanmaydi, utsi vraç tekşirib aniklaşi mumkin. F.da yalliglangan sohani harakatlantirmaslik lozim. Davoni vraç tayinlaydi. F.ning oldini olişda teri, xususan, oyoq panjasi terisini töğri parvariş kiliş, çaqalaniş va yiringli kasalliklarni öz vaktida davolatiş lozim.
Asl matn (kirill, PDF'dagidek)
ФЛЕБИТ (юн. phlebos — вена, itis — яллиғланиш) — веналарнинг яллиғланиши. Кўлоёқ веналари флебити, одатда, юқумли касалликлар, йирингли яралар, абсцесс, флегмонанинг асорати сифатида, шунингдек, туғруқцан кейин юзага келиши мумкин. Аксари стрептококклар қўзғатади. Қўлоёқнинг юза ва чуқур веналари, чаноқ веналари флебити кўпроқ учрайди. Венада тромб ҳосил бўлишидан тромбофлебит келиб чиқади. Ўткир ва сурункали Ф. фарқ қилинади. Ўткир юза Ф.да вена қаттиқлашиб, оғрийди ва шу жой териси қизаради, бемор лоҳасланади, иситмалайди. Сурункали Ф. йиллаб чўзилиши ва ботбот қўзиб туриши мумкин. Чуқур веналар Ф.ида касаллик аломатлари яққол кўзга ташланмайди, уци врач текшириб аниклаши мумкин. Ф.да яллигланган соҳани ҳаракатлантирмаслик лозим. Давони врач тайинлайди. Ф.нинг олдини олишда тери, хусусан, оёқ панжаси терисини тўғри парвариш килиш, чақаланиш ва йирингли касалликларни ўз вактида даволатиш лозим.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.