Fransua Rable
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 2–3-b. — ziyouz.com
Rable Fransua RABLE (Rabelais) Fransua (1494, Turen, Şinon ş. yaqinida — 1553.9.4, Parij) — fransuz yozuvçisi. Jahon adabiyotida komik janrning buyuk namoyandasi. Yoşligida monax bölib, 1527 y. monastirni tark etgan va huquq, topografiya, arxeologiya, tibbiyotni örgangan, şu sohalar böyiça bir qança ilmiy asarlar yaratgan; 1537 y. tibbiyot d-ri bölgan. R. 5 qismdan iborat dunyoga maşhur asari — «Gargantyua va Pantagryuel» romanining 4 qismini 1533—53 y.larda yozib naşr ettirgan, asarning 5-qismi esa R.dan qolgan materiallar asosida noma'lum muallif tomonidan 1564 y.da yaratilgan. R.ning bu romani Uyğoniş davri fransuz madaniyatining, öşa davr diniy va siyosiy hayotining, falsafiy, pedagogik va ilmiy tafakkurining, ijtimoiy hayot va ma'naviy intilişlarining çinakam badiiy ensiklopediyasi hisoblanadi. Asarda yozuvçi xayoliy mamlakat va personajlarni, öta mubolağali voqealarni tasvirlaşda hazil, mazax, istehzo va h.k.dan foydalangan. Örta asr asketizmiga, munofiqlikka qarşi qaraşlarini, öz davrining gumanistik ideallarini xalq oğzaki ijodi ruhidagi va börttirma obrazlar (Gargantyua, Pantagryuel kabi devqomat odamlar va haqiqat izlovçi Panurg) orqali ifodalagan. Uşbu roman Lafonten, Molyer, R. Rollan ijodiga ta'sir körsatgan. Romanning qisqartirilgan tarjimasi özbek tilida naşr qilingan.
As: Gargantyua va Pantagryuel, T., 1970.
Asl matn (kirill, PDF'dagidek)
РАБЛЕ (Rabelais) Франсуа (1494, Турень, Шинон ш. яқинида — 1553.9.4, Париж) — француз ёзувчиси. Жаҳон адабиётида комик жанрнинг буюк намояндаси. Ёшлигида монах бўлиб, 1527 й. монастирни тарк этган ва ҳуқуқ, топография, археология, тиббиётни ўрганган, шу соҳалар бўйича бир қанча илмий асарлар яратган; 1537 й. тиббиёт д-ри бўлган. Р. 5 қисмдан иборат дунёга машҳур асари — «Гаргантюа ва Пантагрюэль» романининг 4 қисмини 1533—53 й.ларда ёзиб нашр эттирган, асарнинг 5-қисми эса Р.дан қолган материаллар асосида номаълум муаллиф томонидан 1564 й.да яратилган. Р.нинг бу романи Уйғониш даври француз маданиятининг, ўша давр диний ва сиёсий ҳаётининг, фалсафий, педагогик ва илмий тафаккурининг, ижтимоий ҳаёт ва маънавий интилишларининг чинакам бадиий энциклопедияси ҳисобланади. Асарда ёзувчи хаёлий мамлакат ва персонажларни, ўта муболағали воқеаларни тасвирлашда ҳазил, мазах, истеҳзо ва ҳ.к.дан фойдаланган. Ўрта аср аскетизмига, мунофиқликка қарши қарашларини, ўз даврининг гуманистик идеалларини халқ оғзаки ижоди руҳидаги ва бўрттирма образлар (Гаргантюа, Пантагрюэль каби девқомат одамлар ва ҳақиқат изловчи Панург) орқали ифодалаган. Ушбу роман Лафонтен, Мольер, Р. Роллан ижодига таъсир кўрсатган. Романнинг қисқартирилган таржимаси ўзбек тилида нашр қилинган.
Ас: Гаргантюа ва Пантагрюэль, Т., 1970.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.