Futszyan
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 315-b. — ziyouz.com
Futszyan — Xitoyning jan. şarqiy qismidagi provinsiya. Tayvan böğozi sohili va Minszyan daryosi havzasida. Mayd. 123 ming km2. Aholisi 32,9 mln. kişi (1998). Ma'muriy markazi — Fuçjou ş. Hududining aksari qismi toğlik. Dengiz sohili kambar pasttekislik. Iklimi tropik mussonli, sernam iqlim. Xöjaligida dehqonçilik yetakçi tarmoq. Asosiy ekini şoli, şuningdek, batat, şakarqamiş, yer yonğoq, tamaki ham ekiladi. Tropik mevaçilik va çoy östiriş rivojlangan. Çorvaçilikda, asosan, çöçqa boqiladi. Baliq ovlanadi. Yoğoç, kamfara daraxtining pöstloği, lok daraxti mevasi, bambuk yarim mahsulotlari tayyorlanadi. Foydali qazilmalardan temir va marganets rudalari, toşkömir konlari bor. Oziq-ovqat, yoğoçsozlik, töqimaçilik, qoğoz, qora va rangli metallurgiya, kemasozlik, maşinasozlik sanoati korxonalari mavjud. Hunarmadçilikda çinni idişlar, bambukdan işlangan buyumlar tayyorlanadi. Yirik sanoat markazlari: Fuçjou, Syamin, Nanpin va b. Muhim dengiz porti — Syamin.
Asl matn (kirill, PDF'dagidek)
ФУЦЗЯНЬ — Хитойнинг жан. шарқий қисмидаги провинция. Тайвань бўғози соҳили ва Миньцзян дарёси ҳавзасида. Майд. 123 минг км2. Аҳолиси 32,9 млн. киши (1998). Маъмурий маркази — Фучжоу ш. Ҳудудининг аксари қисми тоғлик. Денгиз соҳили камбар пасттекислик. Иклими тропик муссонли, сернам иқлим. Хўжалигида деҳқончилик етакчи тармоқ. Асосий экини шоли, шунингдек, батат, шакарқамиш, ер ёнғоқ, тамаки ҳам экилади. Тропик мевачилик ва чой ўстириш ривожланган. Чорвачиликда, асосан, чўчқа боқилади. Балиқ овланади. Ёғоч, камфара дарахтининг пўстлоғи, лок дарахти меваси, бамбук ярим маҳсулотлари тайёрланади. Фойдали қазилмалардан темир ва марганец рудалари, тошкўмир конлари бор. Озиқ-овқат, ёғочсозлик, тўқимачилик, қоғоз, қора ва рангли металлургия, кемасозлик, машинасозлик саноати корхоналари мавжуд. Ҳунармадчиликда чинни идишлар, бамбукдан ишланган буюмлар тайёрланади. Йирик саноат марказлари: Фучжоу, Сяминь, Наньпин ва б. Муҳим денгиз порти — Сяминь.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.