Ğ
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 1-b. — ziyouz.com
Ğ — özbek kirill alifbosining öttiz törtinçi harfi. Çuqur til orqa, şovqinli, sirğaluvçi, jarangsiz undoş tovuşni ifodalaydi. Qöllanişiga köra unça faol emas, lekin har qanday undoş va unli bilan yonma-yon keladi. Sözning boşi (ğalaba, ğarb, ğunça), örtasi (oğiz, tuğma, töğri) va oxirida (dimoğ, yoruğ, uluğ) qöllanişi mumkin. Ba'zan oxiri ğ bilan tugagan sözlarga g bilan boşlanadigan affikslar qöşilganda, har ikki tovuş assimilyatsiyaga uçrab, q tarzida talaffuz etiladi va şunday yoziladi: toğ+ga>toqqa, tuğ+gan>tuqqan, toğ+gaça>toqqaça. Turkiy xalqlar, jumladan, özbek xalqi uçun umumiy bölgan deyarli barça yozuvlarda öziga xos belgişakllarga ega.
Asl matn (kirill, PDF'dagidek)
Ғ — ўзбек кирилл алифбосининг ўттиз тўртинчи ҳарфи. Чуқур тил орқа, шовқинли, сирғалувчи, жарангсиз ундош товушни ифодалайди. Қўлланишига кўра унча фаол эмас, лекин ҳар қандай ундош ва унли билан ёнма-ён келади. Сўзнинг боши (ғалаба, ғарб, ғунча), ўртаси (оғиз, туғма, тўғри) ва охирида (димоғ, ёруғ, улуғ) қўлланиши мумкин. Баъзан охири ғ билан тугаган сўзларга г билан бошланадиган аффикслар қўшилганда, ҳар икки товуш ассимиляцияга учраб, қ тарзида талаффуз этилади ва шундай ёзилади: тоғ+га>тоққа, туғ+ган>туққан, тоғ+гача>тоққача. Туркий халқлар, жумладан, ўзбек халқи учун умумий бўлган деярли барча ёзувларда ўзига хос белгишаклларга эга.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.