Galiya Bayazitovna Izmaylova

Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 75-b. — ziyouz.com

Izmaylova Galiya Bayazitovna (1923.12.2, Tomsk) — balet artisti, baletmeyster. Özbekiston xalq artisti (1951). Toşkent balet maktabini (1941), Toşkent teatr va rassomlik san'ati in-ti (1961)ni tugatgan. 1941 y.dan Navoiy teatrining yetakçi balet yakkaxoni, 1977—85 y.lar boş baletmeyster, 1985 y.dan baletmeyster. Semurğ («Oq bilak»), Mariya, Zarema («Bokçasaroy favvorasi») kabi ilk rollaridayoq qahramonlar içki du-nyosini ifodali harakatlar orqali oçib berişga intilgan. Eng yaxşi rollari: Kitri («Don Kixot»), Gulo-yim («Qirq qiz»), Tao-Xoa («Lola-qizğaldoq»), Odetta-Odiliya («Oqquş kuli»), Xuanita («Don Juan»), Gulnora («Raqqosa»), Karmen («Karmensyuita»), Layli («Layli va Majnun»), Çundari («Sevgi tumori»), Egina («Spartak») kabi obrazlari badiiy yuksakligi, ijro texnikasining mukam-malligi, yevropa mumtoz raqsini an'-anaviy özbek raqs harakatlarida uyğunlaştirilişi b-n ajralib turadi. «Oqquş kuli», «Navruz», «Şahrizoda», «Sevgi tumori», «Kaşmir afsonasi», «Sevgi afsonasi», «Boqçasaroy favvorasi», «Esmeralda», «Orzu», «Knyaz Igor», «Buron», «Faust», «Zebunniso», «Umar Xayyom», «Al Farğoniy» kabi operalarning raqslarini sahnalaştirgan.

I. yangi turdagi özbek mumtoz raqs maktabi asosçilaridan. U Farğona, Buxoro, Xorazm xalq raqslari va Yevropa raqsining ijobiy ta'sirida zamon mumtoz rake miniatyuralarining yaratuvçisi va mohir ijroçisi sifatida tanildi. M. Ravelning «Bolero» baleti, şuningdek, M. Aşrafiyning «Dilorom» operasi uçun «Söğdiyona», «Xindi», «Arab» va «Farğona» kabi mustaqil xoreografik miniatyuralar yaratdi. Qardoş xalqlar, Şarq va b. xalqlarning milliy xoreografik san'atini örganib, «Jahon xalqlari raqslari» konsert dasturini tuzdi.

Uning repertuarida Hindiston, Indoneziya, Myanma, Suriya, Misr, Meksika, Argentina, Kuba kabi turli mamlakat xalqlarining milliy raqslari mavjud. I. «Bahor», «Lazgi» va b. ansambllarda köpgina raqslar sahnalaştirgan. Bir qança mamlakatlarda gastrolda bölib, tomoşabinlarni özbek xalq raqslari b-n taniştirgan. I.ga bağişlangan «Umrga teng raqs» filmi suratga olingan (1984). Hamza nomidagi Özbekiston Davlat mukofoti laureati (1970). «Şuhrat» medali (1997), «Döstlik» ordeni (1998) b-n mukofotlangan.

Ad.: Avdeyeva L., Galiya Izmaylova, T., 1975.

Mohina Aşirova.

Asl matn (kirill, PDF'dagidek)

ИЗМАЙЛОВА Галия Баязитовна (1923.12.2, Томск) — балет артисти, балетмейстер. Ўзбекистон халқ артисти (1951). Тошкент балет мактабини (1941), Тошкент театр ва рассомлик санъати ин-ти (1961)ни тугатган. 1941 й.дан Навоий театрининг етакчи балет яккахони, 1977—85 й.лар бош балетмейстер, 1985 й.дан балетмейстер. Семурғ («Оқ билак»), Мария, Зарема («Бокчасарой фаввораси») каби илк ролларидаёқ қаҳрамонлар ички ду-нёсини ифодали ҳаракатлар орқали очиб беришга интилган. Энг яхши роллари: Китри («Дон Кихот»), Гуло-йим («Қирқ қиз»), Тао-Хоа («Лола-қизғалдоқ»), Одетта-Одилия («Оққуш кули»), Хуанита («Дон Жуан»), Гулнора («Раққоса»), Кармен («Карменсюита»), Лайли («Лайли ва Мажнун»), Чундари («Севги тумори»), Эгина («Спартак») каби образлари бадиий юксаклиги, ижро техникасининг мукам-маллиги, европа мумтоз рақсини анъ-анавий ўзбек рақс ҳаракатларида уйғунлаштирилиши б-н ажралиб туради. «Оққуш кули», «Навруз», «Шаҳризода», «Севги тумори», «Кашмир афсонаси», «Севги афсонаси», «Боқчасарой фаввораси», «Эсмеральда», «Орзу», «Князь Игорь», «Бурон», «Фауст», «Зебуннисо», «Умар Хайём», «Ал Фарғоний» каби операларнинг рақсларини саҳналаштирган.

И. янги турдаги ўзбек мумтоз рақс мактаби асосчиларидан. У Фарғона, Бухоро, Хоразм халқ рақслари ва Европа рақсининг ижобий таъсирида замон мумтоз раке миниатюраларининг яратувчиси ва моҳир ижрочиси сифатида танилди. М. Равелнинг «Болеро» балети, шунингдек, М. Ашрафийнинг «Дилором» операси учун «Сўғдиёна», «Хинди», «Араб» ва «Фарғона» каби мустақил хореографик миниатюралар яратди. Қардош халқлар, Шарқ ва б. халқларнинг миллий хореографик санъатини ўрганиб, «Жаҳон халқлари рақслари» концерт дастурини тузди.

Унинг репертуарида Ҳиндистон, Индонезия, Мьянма, Сурия, Миср, Мексика, Аргентина, Куба каби турли мамлакат халқларининг миллий рақслари мавжуд. И. «Баҳор», «Лазги» ва б. ансамблларда кўпгина рақслар саҳналаштирган. Бир қанча мамлакатларда гастролда бўлиб, томошабинларни ўзбек халқ рақслари б-н таништирган. И.га бағишланган «Умрга тенг рақс» фильми суратга олинган (1984). Ҳамза номидаги Ўзбекистон Давлат мукофоти лауреати (1970). «Шуҳрат» медали (1997), «Дўстлик» ордени (1998) б-н мукофотланган.

Ад.: Авдеева Л., Галия Измайлова, Т., 1975.

Моҳина Аширова.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.