«Ğallabank»
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 11–12-b. — ziyouz.com
«Ğallabank» — Özbekistondagi yirik aksiyadorlik tijorat banki. 1994 y. avg.da taşkil etilgan. Boşqa-ruvi Toşkent ş.da. Bankning asosiy yirik aksiyadorlari: «Özdonmahsulot» aksiyadorlik kompaniyasi (32,5%), Özbekiston Respublikasi Moliya vazirligi (25,0%), Özbekiston Taşqi iqtisodiy faoliyat milliy banki (12,5%), «Paxtabank» (12,5%), şuningdek, don mahsulotlari hududiy (viloyat) aksiyadorlik jamiyatlari, sanoat korxonalari va b. Aksiyadorlari soni 5263 ta, ulardan 3 mingdan ortiği jismoniy şaxslar. Qoraqalpoğiston Respublikasi va barça viloyatlarda 13 mintaqaviy (viloyat) filiali, 18 ta tuman filiallari va 68 ta mini banki, 141 ta jam-ğarma şoxobçalari mavjud (2005). Bank faoliyatining asosiy yönalişlari — ğalla va boşokli don mahsulotlari yetiştiruvçi xöjalik subyektlariga, un va non sanoati korxonalariga bank xizmatlari körsatiş, şu tarmoklarga çet el investitsiyalarini, ilğor texnologiyalarini jalb qiliş, mamlakat don va un mahsulotlari eksportini rivojlantirişga, respublikaning ğalla mustaqilli-giga erişişiga yordam körsatiş va b.dan iborat. Bank 1994 y. noyabrdan boşlab çet el valyu-tasida bank amaliyotlarini amalga oşiriş huquqini beruvçi litsen-ziyaga ega, 1996 y.dan qimmatli qoğozlar bozorida iştirok etadi. «Toşkent» fond birjasida öz bro-kerlik idorasini oçgan. 1999 y.dan Özbekiston Respublikasi Moliya vazirligi huzuridagi Davlat ehtiyojlari uçun xarid qilinadigan q.x. mahsulotlari hisob-kitob jamğarmasining moliyaviy agenti sifatida faoliyat olib boradi. Loyihalarni moliyaviy ta'minlaş va korporativ mijozlar bilan birga çakana mijozlarga ham barça bank xizmatlarini körsatadigan universal tijorat banki hisoblanadi. Aholiga valyuta ayirboşlaş sohasida xizmat körsatiş böyiça 70 ta şoxobçaga ega (şundan 20 tasi Toşkent ş.da).
Bank Xalqaro tiklaniş va taratskiyot bankining «Qişloq xöjaligi korxonalarini qöllab-quvvatlaş» loy-ihasini amalga oşirişda faol iştirok etadi. Bank dehqon va fermer xöjaliklariga minitexnologiyalar oliş uçun moliyaviy lizing xizmatlari, xalqaro moliyaviy taşkilotlarning kredit liniyalari hisobidan kreditlar ajratiş, eksportbop yoki import örnini bosuvçi mahsulotlar i.ç. böyiça investitsiya loyihalarini moliyalaştiriş va b. yönalişlarda ham xizmatlar körsatadi.
2005 y.da turli mulkçilik şakllaridagi 58,0 mingdan ortiq mijozlarga xizmat körsatdi (2001 y.da 23927 ta mijozga xizmat körsatgan). Bankning (mln. söm) ustav kapitali - 4958,1 (1994 y.da 8,0 mln. söm bölgan); jami aktivlari — 100918,9; jami kapitali — 16258,2; jami kre-dit qöyilmalari — 56111,5; kiçik va örta biznesni rivojlantirişga ajratilgan kreditlar — 6225,4; sof foyda (balans böyiça) — 2616,5 (2005, 1 yanv.).
Ikromjon Örinboyev.
Asl matn (kirill, PDF'dagidek)
«ҒАЛЛАБАНК» — Ўзбекистондаги йирик акциядорлик тижорат банки. 1994 й. авг.да ташкил этилган. Бошқа-руви Тошкент ш.да. Банкнинг асосий йирик акциядорлари: «Ўздонмаҳсулот» акциядорлик компанияси (32,5%), Ўзбекистон Республикаси Молия вазирлиги (25,0%), Ўзбекистон Ташқи иқтисодий фаолият миллий банки (12,5%), «Пахтабанк» (12,5%), шунингдек, дон маҳсулотлари ҳудудий (вилоят) акциядорлик жамиятлари, саноат корхоналари ва б. Акциядорлари сони 5263 та, улардан 3 мингдан ортиғи жисмоний шахслар. Қорақалпоғистон Республикаси ва барча вилоятларда 13 минтақавий (вилоят) филиали, 18 та туман филиаллари ва 68 та мини банки, 141 та жам-ғарма шохобчалари мавжуд (2005). Банк фаолиятининг асосий йўналишлари — ғалла ва бошокли дон маҳсулотлари етиштирувчи хўжалик субъектларига, ун ва нон саноати корхоналарига банк хизматлари кўрсатиш, шу тармокларга чет эл инвестицияларини, илғор технологияларини жалб қилиш, мамлакат дон ва ун маҳсулотлари экспортини ривожлантиришга, республиканинг ғалла мустақилли-гига эришишига ёрдам кўрсатиш ва б.дан иборат. Банк 1994 й. ноябрдан бошлаб чет эл валю-тасида банк амалиётларини амалга ошириш ҳуқуқини берувчи лицен-зияга эга, 1996 й.дан қимматли қоғозлар бозорида иштирок этади. «Тошкент» фонд биржасида ўз бро-керлик идорасини очган. 1999 й.дан Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қ.х. маҳсулотлари ҳисоб-китоб жамғармасининг молиявий агенти сифатида фаолият олиб боради. Лойиҳаларни молиявий таъминлаш ва корпоратив мижозлар билан бирга чакана мижозларга ҳам барча банк хизматларини кўрсатадиган универсал тижорат банки ҳисобланади. Аҳолига валюта айирбошлаш соҳасида хизмат кўрсатиш бўйича 70 та шохобчага эга (шундан 20 таси Тошкент ш.да).
Банк Халқаро тикланиш ва тарацкиёт банкининг «Қишлоқ хўжалиги корхоналарини қўллаб-қувватлаш» лой-иҳасини амалга оширишда фаол иштирок этади. Банк деҳқон ва фермер хўжаликларига минитехнологиялар олиш учун молиявий лизинг хизматлари, халқаро молиявий ташкилотларнинг кредит линиялари ҳисобидан кредитлар ажратиш, экспортбоп ёки импорт ўрнини босувчи маҳсулотлар и.ч. бўйича инвестиция лойиҳаларини молиялаштириш ва б. йўналишларда ҳам хизматлар кўрсатади.
2005 й.да турли мулкчилик шаклларидаги 58,0 мингдан ортиқ мижозларга хизмат кўрсатди (2001 й.да 23927 та мижозга хизмат кўрсатган). Банкнинг (млн. сўм) устав капитали - 4958,1 (1994 й.да 8,0 млн. сўм бўлган); жами активлари — 100918,9; жами капитали — 16258,2; жами кре-дит қўйилмалари — 56111,5; кичик ва ўрта бизнесни ривожлантиришга ажратилган кредитлар — 6225,4; соф фойда (баланс бўйича) — 2616,5 (2005, 1 янв.).
Икромжон Ўринбоев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.