Ğani Olimoviç Tölaganov
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 828-b. — ziyouz.com
Tölaganov Ğani Olimoviç (1935.29.5, Toşkent) — dirijyor, sozanda. Özbekistonda (1984), Qoraqalpoğistonda (1987) xizmat körsatgan san'at arbobi. Toşkent konservatoriyasini qaşqar rubobi ijroçiligi (1959) va operasimfonik dirijyorligi (1964) ixtisosliklari böyiça tugatgan. «Şodlik» ansamblida sozanda (1951—59), Özbekiston konservatoriyasida öqituvçi (1959 y.dan), prof. (1999 y.dan). Samarkand opera va balet teatrida boş dirijyor va badiiy rahbar (1964—70). Navoiy teatrida dirijyor (1976—92), Özbek davlat filarmoniyasi direktori va badiiy rahbari (1979—84), Özbekiston konservatoriyasi qoşidagi musiqali teatr studiyasi direktori (1996—2003). Dirijyor sifatida bir neça opera va balet spektakllarini, birinçi bölib özbek kompozitorlari asarlarini (S. Boboyevning «Yoriltoş» va «Fidoiylar», U. Musayevning «Mangulik», N. Zokirovning «Raqiblar», Ham. Rahimovning «Zafar», Ik. Akbarovning «Suğd elining qoploni», M. Burhonovning «Alişer Navoiy» operalari, U. Musayevning «Afsonalar vodiysi» baleti) sahnalaştirgan.
Asl matn (kirill, PDF'dagidek)
ТЎЛАГАНОВ Ғани Олимович (1935.29.5, Тошкент) — дирижёр, созанда. Ўзбекистонда (1984), Қорақалпоғистонда (1987) хизмат кўрсатган санъат арбоби. Тошкент консерваториясини қашқар рубоби ижрочилиги (1959) ва операсимфоник дирижёрлиги (1964) ихтисосликлари бўйича тугатган. «Шодлик» ансамблида созанда (1951—59), Ўзбекистон консерваториясида ўқитувчи (1959 й.дан), проф. (1999 й.дан). Самарканд опера ва балет театрида бош дирижёр ва бадиий раҳбар (1964—70). Навоий театрида дирижёр (1976—92), Ўзбек давлат филармонияси директори ва бадиий раҳбари (1979—84), Ўзбекистон консерваторияси қошидаги мусиқали театр студияси директори (1996—2003). Дирижёр сифатида бир неча опера ва балет спектаклларини, биринчи бўлиб ўзбек композиторлари асарларини (С. Бобоевнинг «Ёрилтош» ва «Фидоийлар», У. Мусаевнинг «Мангулик», Н. Зокировнинг «Рақиблар», Ҳам. Раҳимовнинг «Зафар», Ик. Акбаровнинг «Суғд элининг қоплони», М. Бурҳоновнинг «Алишер Навоий» опералари, У. Мусаевнинг «Афсоналар водийси» балети) саҳналаштирган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.