Garvard maktabi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 91–92-b. — ziyouz.com
Garvard maktabi - Ğarb mamlakatlari siyosiy-iqtisodida 1-jahon uruşidan söng vujudga kelgan yunaliş. Statistik va matematik taxlil usullarini qöllagan holda iktisodiy sikl tabiati va xöjalik konyunkturasini örganiş b-n şuğullangan. 1917 yilda AQŞning Garvard un-ti qoşida taşkil etilgan Iqtisodiy tadqiqotlar qömitasi tevaragida şakllandi. Uning taniqli vakillaridan biri — U. Mitçell. G.m. iktisodiy tuşkunlik kuçaygan davrda, iktisodiy böhronlarni bartaraf etiş vositalarini izlaş muhim muammoga aylangan şaroitlarda yuzaga keldi. 20-a.da G.m. qaraşlari Buyuk Britaniya, Fransiya, Germaniya, Italiya, Avstriya, Polşa kabi davlatlarda keng tarqaldi (20-y.larda bu mamlakatlarda iqtisodiy başorat maqsadlarida statistik materiallarni örganadigan konyunktura in-tlari taşkil etilgan). G.m. obyektiv iqtisodiy qonunlarni inkor etişga olib keladigan «inqirozsiz sikl» ğoyasini ilgari surdi. G.m. karaşlariga köra, iqtisodiy yuksaliş va inqirozlarning asosiy sababi pul tizimidagi özgarişlar bölib, pul tizimi faoliyatini tartibga soliş b-n iqtisodiy inqirozlarning oldini oliş mumkin. Hoz. Ğarb siyosiy iqtisodiyotida G.m.ning inqirozlarni bartaraf etiş mumkinligi, bu maqsadlarda davlatning iqtisodiyotga aralaşuvi va boşqariladigan kapitalizm nazariyasi ğoyalari keng yoyilgan.
Asl matn (kirill, PDF'dagidek)
ГАРВАРД МАКТАБИ - Ғарб мамлакатлари сиёсий-иқтисодида 1-жаҳон урушидан сўнг вужудга келган йуналиш. Статистик ва математик тахлил усулларини қўллаган ҳолда иктисодий цикл табиати ва хўжалик конъюнктурасини ўрганиш б-н шуғулланган. 1917 йилда АҚШнинг Гарвард ун-ти қошида ташкил этилган Иқтисодий тадқиқотлар қўмитаси теварагида шаклланди. Унинг таниқли вакилларидан бири — У. Митчелл. Г.м. иктисодий тушкунлик кучайган даврда, иктисодий бўҳронларни бартараф этиш воситаларини излаш муҳим муаммога айланган шароитларда юзага келди. 20-а.да Г.м. қарашлари Буюк Британия, Франция, Германия, Италия, Австрия, Польша каби давлатларда кенг тарқалди (20-й.ларда бу мамлакатларда иқтисодий башорат мақсадларида статистик материалларни ўрганадиган конъюнктура ин-тлари ташкил этилган). Г.м. объектив иқтисодий қонунларни инкор этишга олиб келадиган «инқирозсиз цикл» ғоясини илгари сурди. Г.м. карашларига кўра, иқтисодий юксалиш ва инқирозларнинг асосий сабаби пул тизимидаги ўзгаришлар бўлиб, пул тизими фаолиятини тартибга солиш б-н иқтисодий инқирозларнинг олдини олиш мумкин. Ҳоз. Ғарб сиёсий иқтисодиётида Г.м.нинг инқирозларни бартараф этиш мумкинлиги, бу мақсадларда давлатнинг иқтисодиётга аралашуви ва бошқариладиган капитализм назарияси ғоялари кенг ёйилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.