Gastrol
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 102-b. — ziyouz.com
Gastrol (nem. gast — mehmon, rolle — rol) — artist (yoki artistlar jamoasi)ning doimiy iş joyidan taşqari (boşqa tuman, şahar, mamlakat) da tomoşa körsatişi, konsert berişi. Ğarbiy Yevropa mamlakatlarida 18-a., ayniqsa 19-a.ning 2-yarmida teatr san'ati yirik namoyandalarining yakka G.lari avj oldi. 19-a. oxiri — 20-a. boşlarida dekoratsiya qurilmalari b-n köçib yurib, spektakllar körsatuvçi teatrlar köpaydi. Bu davrda Toşkent, Samarqand, Qöqon, Andijon ş.larida rus, tatar, ozarbayjon artistlari va b. jamoalar (V. Komissarjevskaya, 1910; G. Qoriyev rahbarligidagi tatar «Sayyor» truppasi, 1912—13; Sidqiy Ruhillo rahbarligidagi ozarbayjon musiqali teatri, 1910 va b.) özbek tomoşabinlarini ilğor Yevropa madaniyati b-n taniştirgan. 20-y.lardan keyin Yusufjon qiziq Şakarjonov, Usta Olim Komilov, Abduqodir nayçi, T. Jalilov, Tamaraxonim, M. Qoriyoqubov kabi san'atkorlar Rossiya va Ğarbiy Yevropa şaharlari (Moskva, Sankt-Peterburg, Berlin, Parij, London)da G.da bölib, milliy özbek san'atini tarğib qiddilar. Keyingi yillarda Navoiy teatri, Hamza teatri, Gorkiy teatri, Abror Hidoyatov nomidagi teatr, «Bahor», «Yalla» kabi ansambllar muntazam G.larga çiqib turibdilar. Glar xalqaro madaniy aloqalarni mustahkamlaşga va turli xalqlar madaniyatining özaro boyişiga xizmat qiladi.
Asl matn (kirill, PDF'dagidek)
ГАСТРОЛЬ (нем. gast — меҳмон, rolle — роль) — артист (ёки артистлар жамоаси)нинг доимий иш жойидан ташқари (бошқа туман, шаҳар, мамлакат) да томоша кўрсатиши, концерт бериши. Ғарбий Европа мамлакатларида 18-а., айниқса 19-а.нинг 2-ярмида театр санъати йирик намояндаларининг якка Г.лари авж олди. 19-а. охири — 20-а. бошларида декорация қурилмалари б-н кўчиб юриб, спектакллар кўрсатувчи театрлар кўпайди. Бу даврда Тошкент, Самарқанд, Қўқон, Андижон ш.ларида рус, татар, озарбайжон артистлари ва б. жамоалар (В. Комиссаржевская, 1910; Г. Қориев раҳбарлигидаги татар «Сайёр» труппаси, 1912—13; Сидқий Руҳилло раҳбарлигидаги озарбайжон мусиқали театри, 1910 ва б.) ўзбек томошабинларини илғор Европа маданияти б-н таништирган. 20-й.лардан кейин Юсуфжон қизиқ Шакаржонов, Уста Олим Комилов, Абдуқодир найчи, Т. Жалилов, Тамарахоним, М. Қориёқубов каби санъаткорлар Россия ва Ғарбий Европа шаҳарлари (Москва, Санкт-Петербург, Берлин, Париж, Лондон)да Г.да бўлиб, миллий ўзбек санъатини тарғиб қиддилар. Кейинги йилларда Навоий театри, Ҳамза театри, Горький театри, Аброр Ҳидоятов номидаги театр, «Баҳор», «Ялла» каби ансамбллар мунтазам Г.ларга чиқиб турибдилар. Глар халқаро маданий алоқаларни мустаҳкамлашга ва турли халқлар маданиятининг ўзаро бойишига хизмат қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.