Gaymorit
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 47-b. — ziyouz.com
Gaymorit — yuqori jağ suyagi böşliği (q. Gaymor böşliği) şilliq qavatining yalliğlanişi. Keçişiga köra ötkir, örtaça ötkir va surunkali xillari farq qilinadi. Şamollaş, gripp, tumov va b. infeksion kasalliklar, şuningdek burun böşliği va çirigan tişdan yalliğlaniş jarayonlarining Gaymor böşliğiga tarqalişi, ba'zan yuqori jağ suyagining şikastlanişi sabab böladi. Ötkir G.ni vaqtida davolamaslik yoki çala davolaş, ba'zan allergiya oqibatida surunkali G. röy berişi mumkin. G.da bemorning darmoni quriydi, eti uvişadi, yonoqlari şişadi, harorati kötariladi, yuqori jaği va boşi oğriydi, boşini burganda oğriq zörayib, burni bitadi; köpinça burunning bir tomonidan yiring (yiringli G.) yoki şilimşiq (katar a l G.) oqadi, burundan nafas oliş qiyinlaşadi. Yarim ötkir va surunkali G.da kasallik alomatlari birmunça sust namoyon böladi. Surunkali G. ba'zan yaşirin keçib, sepsis, meningit, boş miya abssessi va b. jiddiy asoratlar avj olişi mumkin. G.ning oldini oliş uçun organizmni çiniqtiriş, sport b-n şuğullaniş, sof havo va suv muolajalaridan bahramand böliş, şuningdek tumov, tiş çirişi va b. kasalliklarni öz vaqtida davolatiş kerak. Ötkir G.da turli dori-darmonlar buyuriladi, surunkalida köpinça jarrohlik usuli qöllaniladi.
Q.: Gaymor böşliği
Asl matn (kirill, PDF'dagidek)
ГАЙМОРИТ — юқори жағ суяги бўшлиғи (қ. Гаймор бўшлиғи) шиллиқ қаватининг яллиғланиши. Кечишига кўра ўткир, ўртача ўткир ва сурункали хиллари фарқ қилинади. Шамоллаш, грипп, тумов ва б. инфекцион касалликлар, шунингдек бурун бўшлиғи ва чириган тишдан яллиғланиш жараёнларининг Гаймор бўшлиғига тарқалиши, баъзан юқори жағ суягининг шикастланиши сабаб бўлади. Ўткир Г.ни вақтида даволамаслик ёки чала даволаш, баъзан аллергия оқибатида сурункали Г. рўй бериши мумкин. Г.да беморнинг дармони қурийди, эти увишади, ёноқлари шишади, ҳарорати кўтарилади, юқори жағи ва боши оғрийди, бошини бурганда оғриқ зўрайиб, бурни битади; кўпинча буруннинг бир томонидан йиринг (йирингли Г.) ёки шилимшиқ (катар а л Г.) оқади, бурундан нафас олиш қийинлашади. Ярим ўткир ва сурункали Г.да касаллик аломатлари бирмунча суст намоён бўлади. Сурункали Г. баъзан яширин кечиб, сепсис, менингит, бош мия абсцесси ва б. жиддий асоратлар авж олиши мумкин. Г.нинг олдини олиш учун организмни чиниқтириш, спорт б-н шуғулланиш, соф ҳаво ва сув муолажаларидан баҳраманд бўлиш, шунингдек тумов, тиш чириши ва б. касалликларни ўз вақтида даволатиш керак. Ўткир Г.да турли дори-дармонлар буюрилади, сурункалида кўпинча жарроҳлик усули қўлланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.