Gaz generatori
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 18–19-b. — ziyouz.com
Gaz generatori (gaz... va lot. generator — hosil qiluvçi) — 1) aso-san qattiq va suyuq yoqilğilardan yonuvçi gaz hosil qiladigan apparat. G.g.ning transport va muqim (statsionar) turlari bor. Transport G.g.da ötin, pistakömir, antratsit va torf kabi qattiq yoqilğilardan avtomobil va traktorlarning dvigatellari uçun yonuvçi gaz olinadi. Muqim G.g. qizitiş, pişiriş va eritiş peçlari örnatilgan sanoat korxonalari uçun gaz işlab çiqaradi. G.g. köpinça içki devorlari ötga çidamli ğiştdan teriladigan şaxtadan iborat böladi. Bu şaxtaga yuqoridan yoqilği solib turiladi, pastdan havo yuboriladi, yoqilği qatlamini kolosnikli panjara kötarib turadi. G.g.ning işi yonilğini yuqori t-ralarda havoda oksidlaşga va suv buğida oksidlaşga asoslangan. Bosim ostida va buğ-kislorod aralaşmasidan foydalangan holda kömirdan tarkibida 15% gaça metan bölgan şahar gazi hosil böladi; 2) suyuqlikli raketa dvigateli generator i — yoqilği yoki uning komponentlari yonişi yoki parçalanişi (termik, katalitik va h.k.) hisobiga qaynoq gaz (t-rasi 200— 900°) işlab çiqariladigan apparat. Bunday gaz turbonasos ag-regatini harakatga keltiriş uçun iş jismi hisoblanadi. Bunday G.g.ning asosiy iş organlari — aralaştiriş kallagi va kallak.
Asl matn (kirill, PDF'dagidek)
ГАЗ ГЕНЕРАТОРИ (газ... ва лот. generator — ҳосил қилувчи) — 1) асо-сан қаттиқ ва суюқ ёқилғилардан ёнувчи газ ҳосил қиладиган аппарат. Г.г.нинг транспорт ва муқим (стационар) турлари бор. Транспорт Г.г.да ўтин, пистакўмир, антрацит ва торф каби қаттиқ ёқилғилардан автомобиль ва тракторларнинг двигателлари учун ёнувчи газ олинади. Муқим Г.г. қизитиш, пишириш ва эритиш печлари ўрнатилган саноат корхоналари учун газ ишлаб чиқаради. Г.г. кўпинча ички деворлари ўтга чидамли ғиштдан териладиган шахтадан иборат бўлади. Бу шахтага юқоридан ёқилғи солиб турилади, пастдан ҳаво юборилади, ёқилғи қатламини колосникли панжара кўтариб туради. Г.г.нинг иши ёнилғини юқори т-раларда ҳавода оксидлашга ва сув буғида оксидлашга асосланган. Босим остида ва буғ-кислород аралашмасидан фойдаланган ҳолда кўмирдан таркибида 15% гача метан бўлган шаҳар гази ҳосил бўлади; 2) суюқликли ракета двигатели генератор и — ёқилғи ёки унинг компонентлари ёниши ёки парчаланиши (термик, каталитик ва ҳ.к.) ҳисобига қайноқ газ (т-раси 200— 900°) ишлаб чиқариладиган аппарат. Бундай газ турбонасос аг-регатини ҳаракатга келтириш учун иш жисми ҳисобланади. Бундай Г.г.нинг асосий иш органлари — аралаштириш каллаги ва каллак.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.