Gaz taqsimlaş stansiyasi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 27-b. — ziyouz.com
Gaz taqsimlaş stansiyasi -gaz bosimini foydalaniş uçun xavfsiz darajagaça pasaytiriş va iste'molçilarga tarqatiş uçun möljallangan inşoot. Unda gaz qabul qilinadi, aralaşmalardan tozalanadi, bosimi pasaytiriladi, iste'molçilarga berilayotgan gaz mikdori hisobga olinadi; gaz quvurlarining gaz bosimi töğrilab turiladi. G. t. s.da gazni tozalaş, ölçaş, rostlaş, nazorat qiliş qurilmalari, avtomatik asboblardan foydalaniladi. Vazifasiga qarab, G. t. s. magistral gaz quvuri tarmoğidagi, gaz konidagi va avtomatik xillarga; nazorat-taqsimlaş punktlari, gaz bosimini rostlab turiş punktlari va qurilmalariga bölinadi. Şaharlarni, aholi yaşaydigan punktlarni, korxonalarni, jamoa xöjaliklarini, xonadonlarni toza va işlatiş uçun xavfsiz bosimli gaz b-n bir meyorda ta'minlab turişda G. t. s. ning ahamiyati katta.
Asl matn (kirill, PDF'dagidek)
ГАЗ ТАҚСИМЛАШ СТАНЦИЯСИ -газ босимини фойдаланиш учун хавфсиз даражагача пасайтириш ва истеъмолчиларга тарқатиш учун мўлжалланган иншоот. Унда газ қабул қилинади, аралашмалардан тозаланади, босими пасайтирилади, истеъмолчиларга берилаётган газ микдори ҳисобга олинади; газ қувурларининг газ босими тўғрилаб турилади. Г. т. с.да газни тозалаш, ўлчаш, ростлаш, назорат қилиш қурилмалари, автоматик асбоблардан фойдаланилади. Вазифасига қараб, Г. т. с. магистрал газ қувури тармоғидаги, газ конидаги ва автоматик хилларга; назорат-тақсимлаш пунктлари, газ босимини ростлаб туриш пунктлари ва қурилмаларига бўлинади. Шаҳарларни, аҳоли яшайдиган пунктларни, корхоналарни, жамоа хўжаликларини, хонадонларни тоза ва ишлатиш учун хавфсиз босимли газ б-н бир меъёрда таъминлаб туришда Г. т. с. нинг аҳамияти катта.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.