Genri Uodsuort Longfello
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 178–179-b. — ziyouz.com
Longfello Genri Uodsuort LONGFELLO (Longfellow) Genri Uodsuort (1807.17.2, Portlend, Men ştati — 1882.24.3, Kembrij, Massaçusets ştati) — amerikalik şoir, tarjimon. Advokat oilasida tuğilgan. 1836—54 y.larda Garvard un-tining Yevropa adabiyotlari va tillari böyiça prof. «Qullik haqida qöşiqlar» (1842) qoratanlilarni qulliqdan ozod qiliş harakati ta'siri ostida yaratilgan. «Köçmançi quşlar» töplamida (1858) erksizlikni qoralab, ozodlikni madh etgan. Milliy böyoklarga boy «Evanjelina» (1847), «Maylz Stendişning unaştirilişi» (1858) kabi epik dostonlar muallifi. L. ijodida indeyslarning maşhur afsonalari asosida yozilgan «Gayavati haqida qöşiq» dostoni (1855) maşhur (bu qahramonlik eposi özbek tiliga ham tarjima qilingan). 1863 y.da J. Bokkaçço va J. Çoser uslublarida «Yöl böyidagi mehmonxona hikoyalari» töplamini yaratgan. L. Yevropa adabiyotlarining tarjimoni sifatida ham tanilgan. 1846 y.da «Yevropa şoirlari va şe'riyati» töplamini naşr ettirdi. Bu töplamga amerikalik şoirlar, jumladan, L.ning özi ham tarjima qilgan 400 dan ortiq asar kiritilgan. 1876— 79 y.larda 31 jilddan iborat «Turli ölkalarning şe'rlari»ni naşr qildirdi. Uşbu töplamning 20-jildi çor Rossiyasi xalqlari adabiyotlariga bağişlangan.
Asl matn (kirill, PDF'dagidek)
ЛОНГФЕЛЛО (Longfellow) Генри Уодсуорт (1807.17.2, Портленд, Мэн штати — 1882.24.3, Кембриж, Массачусетс штати) — америкалик шоир, таржимон. Адвокат оиласида туғилган. 1836—54 й.ларда Гарвард ун-тининг Европа адабиётлари ва тиллари бўйича проф. «Қуллик ҳақида қўшиқлар» (1842) қоратанлиларни қуллиқдан озод қилиш ҳаракати таъсири остида яратилган. «Кўчманчи қушлар» тўпламида (1858) эрксизликни қоралаб, озодликни мадҳ этган. Миллий бўёкларга бой «Эванжелина» (1847), «Майлз Стэндишнинг унаштирилиши» (1858) каби эпик достонлар муаллифи. Л. ижодида индейсларнинг машҳур афсоналари асосида ёзилган «Гайавати ҳақида қўшиқ» достони (1855) машҳур (бу қаҳрамонлик эпоси ўзбек тилига ҳам таржима қилинган). 1863 й.да Ж. Боккаччо ва Ж. Чосер услубларида «Йўл бўйидаги меҳмонхона ҳикоялари» тўпламини яратган. Л. Европа адабиётларининг таржимони сифатида ҳам танилган. 1846 й.да «Европа шоирлари ва шеърияти» тўпламини нашр эттирди. Бу тўпламга америкалик шоирлар, жумладан, Л.нинг ўзи ҳам таржима қилган 400 дан ортиқ асар киритилган. 1876— 79 й.ларда 31 жилддан иборат «Турли ўлкаларнинг шеърлари»ни нашр қилдирди. Ушбу тўпламнинг 20-жилди чор Россияси халқлари адабиётларига бағишланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.