Genrik Ibsen
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 35-b. — ziyouz.com
Ibsen Genrik IBSEN (Ibsen) Genrik (1828.20.3, Şiyen — 1906.23.5, Kristianiya) — norveg dramaturgi. Bergendagi birinçi milliy norveg teatriga (1852—57), Kristianiyadagi norveg teatriga (1857—62) rahbarlik qilgan. Ilk şe'rlari va «Katlina» (1850) dramasi Yevropadagi 1848 y. inqilobi ta'sirida yaratilgan. Rim, Drezden, Myunxenda yaşagan (1864—91). «Estrotlik Inger xonim» (1855), «Gelgelandagi uruşlar» (1858), «Taxt uçun kuraş» (1863) tarixiy dramalarida Yevropa romantizmining ta'siri seziladi. «Brand» (1866) va «Per Gyunt» (1867) falsafiy-ramziy poetik dramalarida norveg kiborlari hayoti tasvir etilgan. I.ning «Jamiyat peşvolari» (1877), «Uya» (1879), «Şarpalar» (1881), «Xalq duşmani» (1882) pyesalari maşhur. «Yovvoyi ördak» (1884), «Rosmersxolm» (1886), «Dengizdan kelayotgan ayol» (1888), «Gedda Gabler» (1890) kabi dramalarida sönggi davrga xos ramziy unsurlar aks etgan. «Quruvçi Solnes» (1892), «Kiçkina Ey-olf» (1894) va b. asarlari Yevropa realistik dramaturgiyasining yutuklaridan hisoblanadi. I. jahon dramaturgiyasi va teatriga katta ta'sir ötkazdi. «Şarpalar» pyesasidan parçalar özbek tiliga tarjima qilingan (1974).
Asl matn (kirill, PDF'dagidek)
ИБСЕН (Ibsen) Генрик (1828.20.3, Шиен — 1906.23.5, Кристиания) — норвег драматурги. Бергендаги биринчи миллий норвег театрига (1852—57), Кристианиядаги норвег театрига (1857—62) раҳбарлик қилган. Илк шеърлари ва «Катлина» (1850) драмаси Европадаги 1848 й. инқилоби таъсирида яратилган. Рим, Дрезден, Мюнхенда яшаган (1864—91). «Эстротлик Ингер хоним» (1855), «Гельгеландаги урушлар» (1858), «Тахт учун кураш» (1863) тарихий драмаларида Европа романтизмининг таъсири сезилади. «Бранд» (1866) ва «Пер Гюнт» (1867) фалсафий-рамзий поэтик драмаларида норвег киборлари ҳаёти тасвир этилган. И.нинг «Жамият пешволари» (1877), «Уя» (1879), «Шарпалар» (1881), «Халқ душмани» (1882) пьесалари машҳур. «Ёввойи ўрдак» (1884), «Росмерсхольм» (1886), «Денгиздан келаётган аёл» (1888), «Гедда Габлер» (1890) каби драмаларида сўнгги даврга хос рамзий унсурлар акс этган. «Қурувчи Сольнес» (1892), «Кичкина Эй-ольф» (1894) ва б. асарлари Европа реалистик драматургиясининг ютукларидан ҳисобланади. И. жаҳон драматургияси ва театрига катта таъсир ўтказди. «Шарпалар» пьесасидан парчалар ўзбек тилига таржима қилинган (1974).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.