Georg Fridrix Gendel
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 156-b. — ziyouz.com
Gendel Georg Fridrix GENDEL (Handel) Georg Fridrix (1685.23.2, Galle - 1759.14.4, London) — nemis kompozitori. 1706—10 y.larda Italiyada yaşab, klavir va organ ijroçisi sifatida şuhrat qozongan. 1717 y.dan Angliyada yaşagan. 1720—41 y.larda London opera teatri (Qirol musiqa akademiyasi)ning rahbari. «Rinaldo» (1711), «Radamist» (1720), «Yuliy Sezar» (1724), «Riçard I» (1727), «Kserks» (1738) kabi 40 dan ortiq tarixiy opera yozgan. Şarq mavzularida «Temur» (1724), «Kir, Forsiya podşosi» (1728), «Por, Hindiston podşosi» (1731) operalarini yaratib, ular tarkibiga ekzotik sahnalar kiritgan. Oratoriya janrini tubdan qayta işlab, monumental. uluğvorlik va dramatizm b-n sugorilgan asarlar ijod qilgan. G. xor musiqasi ustasi, şuningdek ommabop, ta'sirçan musiqa uslubini yaratgan. Kantatalar, orkestr va organ konsertlari, çolğu syuita, sonata, oçiq havoda ijro etişga mos «Suv sathi musiqasi» (1716), «Muşakbozlik musiqasi» (1749) va b. asarlar muallifi. London (1843), Leypsig (1856), Galle (1955) ş.larida G. jamiyatlari taşkil etilgan. 1952 y.dan Galle ş.da G. musiqa bayramlari ötkaziladi.
Asl matn (kirill, PDF'dagidek)
ГЕНДЕЛЬ (Handel) Георг Фридрих (1685.23.2, Галле - 1759.14.4, Лондон) — немис композитори. 1706—10 й.ларда Италияда яшаб, клавир ва орган ижрочиси сифатида шуҳрат қозонган. 1717 й.дан Англияда яшаган. 1720—41 й.ларда Лондон опера театри (Қирол мусиқа академияси)нинг раҳбари. «Ринальдо» (1711), «Радамист» (1720), «Юлий Цезарь» (1724), «Ричард I» (1727), «Ксеркс» (1738) каби 40 дан ортиқ тарихий опера ёзган. Шарқ мавзуларида «Темур» (1724), «Кир, Форсия подшоси» (1728), «Пор, Ҳиндистон подшоси» (1731) операларини яратиб, улар таркибига экзотик саҳналар киритган. Оратория жанрини тубдан қайта ишлаб, монументал. улуғворлик ва драматизм б-н сугорилган асарлар ижод қилган. Г. хор мусиқаси устаси, шунингдек оммабоп, таъсирчан мусиқа услубини яратган. Кантаталар, оркестр ва орган концертлари, чолғу сюита, соната, очиқ ҳавода ижро этишга мос «Сув сатҳи мусиқаси» (1716), «Мушакбозлик мусиқаси» (1749) ва б. асарлар муаллифи. Лондон (1843), Лейпциг (1856), Галле (1955) ш.ларида Г. жамиятлари ташкил этилган. 1952 й.дан Галле ш.да Г. мусиқа байрамлари ўтказилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.