Georg Kastrioti Skanderbeg
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 437-b. — ziyouz.com
Skanderbeg Georg Kastrioti SKANDERBEG (Scanderbeg, Skenderbeu) Georg Kastrioti (Kastrioti) (taxm. 1405—1468.17.1) — alban xalqining usmonli turklar asoratiga qarşi ozodlik kuraşi raxbari, Albaniyaning milliy qahramoni. Knyaz Kastrioti xonadoniga mansub bölgan. Gödakligida turk sultoni Murod II ga garovomonat qilib berilgan, keyinçalik uning qöşinida xizmat qilgan. Sarkardalik iqtidori tufayli bey unvonini va Iskandar Makduniy şarafiga Iskandar (Iskandarbey yoxud buzilgan şaklda — S.) nomini olgan. Sultonga qarşi kuraşiş uçun yaşirin suratda tayyorgarlik körgan, uning içki va taşqi duşmanlari b-n aloqa örnatgan, Ya. Xunyadi b-n muzokaralar olib borgan. Niş yaqinidagi jangda (1443 y. 3 noyab.) venger qöşinlari sulton qöşini ustidan ğalaba qozongandan söng, S. 300 suvoriy b-n turklar qarorgohini tark etib Dibruga kelgan va ozod dehqonlarni turk mustamlakaçilariga karşi ozodlik kuraşi ga da'vat etgan. Petrelya, Petralba, Stelyuşi, Torçan, Svetigrad qal'alaridan turk garnizonlarini kuvib yuborgan. Alban mulkdorlarini birlaştirişga harakat qilgan, köngilli xalq laşkarlarini asosini dehqonlar taşkil etgan muntazam armiyaga aylantirgan. S. rahbarligida alban xalqi 24 yil mobaynida usmoniylarga qarşilik körsatgan. S. Lej ş.da vafot etgan. Albaniyada uning nomida orden ta'sis etilgan. Tiranadagi markaziy maydon S. nomi b-n ataladi.
Asl matn (kirill, PDF'dagidek)
СКАНДЕРБЕГ (Scanderbeg, Skenderbeu) Георг Кастриоти (Kastrioti) (тахм. 1405—1468.17.1) — албан халқининг усмонли турклар асоратига қарши озодлик кураши рахбари, Албаниянинг миллий қаҳрамони. Князь Кастриоти хонадонига мансуб бўлган. Гўдаклигида турк султони Мурод II га гаровомонат қилиб берилган, кейинчалик унинг қўшинида хизмат қилган. Саркардалик иқтидори туфайли бей унвонини ва Искандар Макдуний шарафига Искандар (Искандарбей ёхуд бузилган шаклда — С.) номини олган. Султонга қарши курашиш учун яширин суратда тайёргарлик кўрган, унинг ички ва ташқи душманлари б-н алоқа ўрнатган, Я. Хуньяди б-н музокаралар олиб борган. Ниш яқинидаги жангда (1443 й. 3 нояб.) венгер қўшинлари султон қўшини устидан ғалаба қозонгандан сўнг, С. 300 суворий б-н турклар қароргоҳини тарк этиб Дибруга келган ва озод деҳқонларни турк мустамлакачиларига карши озодлик кураши га даъват этган. Петреля, Петральба, Стелюши, Торчан, Светиград қалъаларидан турк гарнизонларини кувиб юборган. Албан мулкдорларини бирлаштиришга ҳаракат қилган, кўнгилли халқ лашкарларини асосини деҳқонлар ташкил этган мунтазам армияга айлантирган. С. раҳбарлигида албан халқи 24 йил мобайнида усмонийларга қаршилик кўрсатган. С. Леж ш.да вафот этган. Албанияда унинг номида орден таъсис этилган. Тиранадаги марказий майдон С. номи б-н аталади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.