Asosiy mazmunga ötiş
Qidiriş…Ctrl K

    Şrift ölçami

    Geron

    Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 246–247-b. — ziyouz.com

    Geron GERON, aleksandriyalik Geron (Heronus Alexandrinus) (taxm. 1-a.) — yunon olimi. Asarlarida («Pnevmatika», «Mexanika») antik dunyo olimlari tatbiqiy mexanika sohasida erişgan asosiy yutuqlarni izçil bayon qilib bergan. «Mexanika»da 5 oddiy maşina: riçag, çiğir, pona, vint va blokni tasvirlagan. Özi ham mexanizm va avtomatlar yaratgan, bular öşa davr uçun ança katta muvaffaqiyat edi. Uning «muqaddas» suv sotiş avtomati hoz. gazli suv sotiş avtomatining ötmişdoşi hisoblanadi. U yaratgan gidravlik maşinalar yordamida suv çiqargiçlar takomillaştirilgan «Dioptr haqida»gi asarida yerni suratga oliş qoidalari, burçaklar ölçanadigan asbob — dioptr (hoz. teodolitning ötmişdoşi) bayon qilingan. «Irğitiş maşinalari tayyorlaş haqida» risolasi qad. artilleriya asoslarini yoritgan. G.ning mat.ga oid asarlari qad. zamon amaliy mat.sining qomusi hisoblanadi. «Metrika» asarida turli geometrik şakllarni aniq va taqribiy hisoblaş qoidalari va formulalari keltirilgan (q. Geron formulasi).

    Q.: Geron formulasi

    Asl matn (kirill, PDF'dagidek)

    ГЕРОН, александриялик Герон (Heronus Alexandrinus) (тахм. 1-а.) — юнон олими. Асарларида («Пневматика», «Механика») антик дунё олимлари татбиқий механика соҳасида эришган асосий ютуқларни изчил баён қилиб берган. «Механика»да 5 оддий машина: ричаг, чиғир, пона, винт ва блокни тасвирлаган. Ўзи ҳам механизм ва автоматлар яратган, булар ўша давр учун анча катта муваффақият эди. Унинг «муқаддас» сув сотиш автомати ҳоз. газли сув сотиш автоматининг ўтмишдоши ҳисобланади. У яратган гидравлик машиналар ёрдамида сув чиқаргичлар такомиллаштирилган «Диоптр ҳақида»ги асарида ерни суратга олиш қоидалари, бурчаклар ўлчанадиган асбоб — диоптр (ҳоз. теодолитнинг ўтмишдоши) баён қилинган. «Ирғитиш машиналари тайёрлаш ҳақида» рисоласи қад. артиллерия асосларини ёритган. Г.нинг мат.га оид асарлари қад. замон амалий мат.сининг қомуси ҳисобланади. «Метрика» асарида турли геометрик шаклларни аниқ ва тақрибий ҳисоблаш қоидалари ва формулалари келтирилган (қ. Герон формуласи).

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.