Gerontopsixologiya
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 247-b. — ziyouz.com
Gerontopsixologiya (yun. geron —qari, keksa va psixologiya) —gerontologiya va yoş psixologiyasi sohasi. Umumiy psixologiya vositalari hamda usullaridan foydalanib, keksalar ruhiyati va fe'lining öziga xos xususiyatlarini örganadi. Garçi olimlar kişilarda keksayiş tufayli paydo böladigan ruhiy xususiyat va özgarişlarga avvaldan qiziqib kelsalarda, G. alohida fan sohasi sifatida 20-a.ning 2-yarmidagina şakllana boşladi. Uning vujudga kelişiga ijtimoiy omillar: keksalar sonining köpayişi, ularning iş layoqati va turmuş şaroiti masalalari sabab böldi. G. kari kişilardagi umumfiziologik va psixofizik xususiyatlar b-n ularning hatti-harakatlari, fe'lining psixologik xususiyatlari örtasidagi aloqadorlikni, şaxs faoliyati va b. omillar b-n boğliq özgarişlarni örganadi. G.ning umumiy vazifasi —kişilarning qariganda ham bardam, tetik yaşaşiga yordam beradigan vositalarni izlab topişdir.
Asl matn (kirill, PDF'dagidek)
ГЕРОНТОПСИХОЛОГИЯ (юн. geron —қари, кекса ва психология) —геронтология ва ёш психологияси соҳаси. Умумий психология воситалари ҳамда усулларидан фойдаланиб, кексалар руҳияти ва феълининг ўзига хос хусусиятларини ўрганади. Гарчи олимлар кишиларда кексайиш туфайли пайдо бўладиган руҳий хусусият ва ўзгаришларга аввалдан қизиқиб келсаларда, Г. алоҳида фан соҳаси сифатида 20-а.нинг 2-ярмидагина шакллана бошлади. Унинг вужудга келишига ижтимоий омиллар: кексалар сонининг кўпайиши, уларнинг иш лаёқати ва турмуш шароити масалалари сабаб бўлди. Г. кари кишилардаги умумфизиологик ва психофизик хусусиятлар б-н уларнинг ҳатти-ҳаракатлари, феълининг психологик хусусиятлари ўртасидаги алоқадорликни, шахс фаолияти ва б. омиллар б-н боғлиқ ўзгаришларни ўрганади. Г.нинг умумий вазифаси —кишиларнинг қариганда ҳам бардам, тетик яшашига ёрдам берадиган воситаларни излаб топишдир.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.