Geterozigota
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 255-b. — ziyouz.com
Geterozigota (getero... va zigota) — organizmning gomologik xromosomalarida biror gen har xil allellarining mavjudligi. Tajribalarda G. har xil allellar böyiça gomozigotalarni çatiştiriş orqali olinadi. Duragaylar nasli muayyan gen böyiça geterozigotalik bölib qoladi. Ba'zi genlar allellari faqat G.li holida mavjud bölişi mumkin (retsessiv letal mutatsiyalar, dominant mutatsiyalarning ham retsessiv letal natijaga olib kelişi). Odamlarda taxm. 20% genlar G. holida böladi. Irsiy kasalliklar keltirib çiqaradigan retsessiv allellar böyiça G.likni (ya'ni mazkur kasallik taşuvçilarni) aniqlaş tibbiyot genetikasining asosiy muammosi hisoblanadi. Köp allelizmda G. örniga kompound (ing, compound — murakkab) tuşunçasi işlatiladi. G. termini xromosomalar qayta qurilişi uçun ham qöllaniladi (mas, inversiya, translokatsiya yoki b. böyiça G.).
Asl matn (kirill, PDF'dagidek)
ГЕТЕРОЗИГОТА (гетеро... ва зигота) — организмнинг гомологик хромосомаларида бирор ген ҳар хил аллелларининг мавжудлиги. Тажрибаларда Г. ҳар хил аллеллар бўйича гомозиготаларни чатиштириш орқали олинади. Дурагайлар насли муайян ген бўйича гетерозиготалик бўлиб қолади. Баъзи генлар аллеллари фақат Г.ли ҳолида мавжуд бўлиши мумкин (рецессив летал мутациялар, доминант мутацияларнинг ҳам рецессив летал натижага олиб келиши). Одамларда тахм. 20% генлар Г. ҳолида бўлади. Ирсий касалликлар келтириб чиқарадиган рецессив аллеллар бўйича Г.ликни (яъни мазкур касаллик ташувчиларни) аниқлаш тиббиёт генетикасининг асосий муаммоси ҳисобланади. Кўп аллелизмда Г. ўрнига компоунд (инг, compound — мураккаб) тушунчаси ишлатилади. Г. термини хромосомалар қайта қурилиши учун ҳам қўлланилади (мас, инверсия, транслокация ёки б. бўйича Г.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.