Gigantizm

Gigantizm (yun. gigas, gigantos — ulkan), ulkanlik, darozlik — odam böyining haldan taşqari baland bölişi, patologii ösişi. Gipofizda ösiş gormonining köp işlanib çiqişi sabab böladi. G. köproq erkaklarda, ösmirlik davrida uçraydi. Böyi 1,75 m dan baland kişilar novça, 2 m dan balandlari daroz hisoblanadi (q. Akromegaliya). G.ni baland böylilik b-n yangliştirmaslik lozim. G.ning yevnuxoid xilida barmoqlar, qöl-oyoq panjalari katta böladi, lekin ikkilamçi jinsiy belgilar va jinsiy a'zolar yaxşi rivojlanmaydi. Ba'zan tananing ayrim-a'zosigina katta yoki uzun böladi, bu qisman G. deyiladi. Gigant odamlar hamişa soğlom bölavermaydi, ular boş oğriği, darmonsizlik, tez çarçaş, qöl-oyoklari oğrişidan şikoyat qilişadi. Muskullari oldiniga baquvvat bölişi mumkin, keyinçalik esa kuçsizlanib qoladi. Xotira, ruhiy faoliyat hamda jinsiy funksiyalarning buzilişi, şuningdek gormonal özgarişlar (qalqonsimon bez, me'da osti bezi, jinsiy bezlarda) kuzatiladi. Ularning buy-basti mutanosib bölmaydi, oyoq-qöli, ayniqsa oyoği uzun böladi, boşi hiyla kiçik körinadi. Agar bola tengqurlaridan ança baland bölsa, vraçga murojaat qilib, tegişli maslahatlar oliş lozim. Gormonal preparatlar, nur b-n davolaş köpinça yaxşi naf beradi.