Gipertrixoz
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 334-b. — ziyouz.com
Gipertrixoz (giper... va yun. thrichos— soç), badanni ortiqça jun bosişi, sertuklik — endokrin bezlar funksiyasining buzilişi natijasida badanni qalin tuk (jun) qoplaşi yoki mutlaqo tuk bölmaydigan joylardan tuk çiqişi. Tuğma va orttirilgan G. böladi, bolaning kafti, tovoni, oyoq-qöl barmoqlarining içki tomonidan taşqari, badanning hamma qismi mayin, uzun, nozik tuk b-n qoplanadi. Tuklar bir joyda (mahalliy, mas, yuzda) yoki badanning hamma qismida (tarqoq) uçraşi mumkin. Içki sekretsiya bezlari faoliyatining buzilişi, şuningdek, issiq, mexanik va kimyoviy ta'sirotlar natijasida badanning ma'lum bir joyida tuklar köp ösadi. Butun badanning sertukligi, tabiatan kişi konstitutsiyasiga (mas, janubdagi ba'zi xalqlar sertuk bölişi) ham boğliq. Ustki lab, lunjlar, ba'zan engak va böyinda dağal tuk (soqol-möylov) ösişi mumkin (q. Girsutizm); ba'zan baloğatga yetiş yoki klimakteriya davrida ham kuzatiladi. G. yaqqol namoyon bölib, kişi husnini buzsa, kosmetolog-şifokorga köriniş, agar unga biror kasallik sabab bölsa, vaqtida davolatiş zarur.
Q.: Girsutizm
Asl matn (kirill, PDF'dagidek)
ГИПЕРТРИХОЗ (гипер... ва юн. thrichos— соч), баданни ортиқча жун босиши, сертуклик — эндокрин безлар функциясининг бузилиши натижасида баданни қалин тук (жун) қоплаши ёки мутлақо тук бўлмайдиган жойлардан тук чиқиши. Туғма ва орттирилган Г. бўлади, боланинг кафти, товони, оёқ-қўл бармоқларининг ички томонидан ташқари, баданнинг ҳамма қисми майин, узун, нозик тук б-н қопланади. Туклар бир жойда (маҳаллий, мас, юзда) ёки баданнинг ҳамма қисмида (тарқоқ) учраши мумкин. Ички секреция безлари фаолиятининг бузилиши, шунингдек, иссиқ, механик ва кимёвий таъсиротлар натижасида баданнинг маълум бир жойида туклар кўп ўсади. Бутун баданнинг сертуклиги, табиатан киши конституциясига (мас, жанубдаги баъзи халқлар сертук бўлиши) ҳам боғлиқ. Устки лаб, лунжлар, баъзан энгак ва бўйинда дағал тук (соқол-мўйлов) ўсиши мумкин (қ. Гирсутизм); баъзан балоғатга етиш ёки климактерия даврида ҳам кузатилади. Г. яққол намоён бўлиб, киши ҳуснини бузса, косметолог-шифокорга кўриниш, агар унга бирор касаллик сабаб бўлса, вақтида даволатиш зарур.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.