Gistaminga qarşi dorilar

Gistaminga qarşi dorilar GISTAMINGA QARŞI DORILAR, antigistamin vositalar — gistaminning ayrim a'zolarga va butun organizmga ta'sirini susaytiradigan moddalar. Ular içak va bronx muskullarining gistamin ta'sirida qisqarişiga yöl qöymaydi, uning qon aylanişiga ta'sirini kamaytiradi, kapillyarlar ötkazuvçanligining gistamin ta'sirida ortişiga tösqinlik qiladi, anafilaktik reaksiyalarning keçişini osonlaştiradi. G. q. d. me'dadan şira çiqişining gistamin ta'sirida kuçayişiga barham bermaydi, gistamin çiqişiga aytarlik ta'sir körsatmaydi va antigen — antitelo reaksiyalariga putur yetkazmaydi. Ayrim G. q. d. markaziy nerv sistemasining faoliyatini susaytirib, bemorni tinçlantiradi va uxlatadi, narkotik, oğriq qoldiruvçi dorilar ta'sirini kuçaytiradi, dengiz va toğ kasalligida köngil aynişi va qusişning oldini oladi, homiladorlarning qusişini bosadi, tirişişga qarşi ta'sir etadi. 20-a. oxirlarida G.q.d.ningyangi turkumi — H2-gistamin blokatorlar ixtiro qilindi. Bulardan simetidin, ranitidin, famotidin, nizatidin, roksatidin va ularning köplab analoglari me'da-içak yarasini davolaşda keng qöllanilmoqda. G.q. d. asosan eşakem, allergik va vazomotor rinit, allergik konyunktivit, ekzema, kapillyarotoksikoz, bronxiol astmaning boşlangiç davrida buyuriladi.