Gitlerçilarga qarşi koalitsiya
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 354–355-b. — ziyouz.com
Gitlerçilarga qarşi koalitsiya — 2-jahon uruşi davomida yuzaga kelgan, Germaniya, Italiya, Yaponiya hamda ularning şeriklari ittifoqiga qarşi turgan davlatlar va xalqlarning keng kölamli harbiysiyosiy ittifoqi. G.q.k.ga turli manfaat va maqsadlarni közlagan AQŞ, Buyuk Britaniya, Fransiya, sobiq Ittifoq, Xitoy va b., jami 50 dan ziyod mamlakat birlaşdi. Uning tarkibiga kirgan Albaniya, Avstraliya, Belgiya, Braziliya, Hindiston, Kanada, Polşa, Çexoslovakiya, Yugoslaviya, Yangi Zelandiya kabi mamlakatlar buyuk davlatlar b-n birga umumiy duşmanga qarşi kuraşda öz qurolli kuçlarini işga solgan, ba'zi bir davlatlar (Meksika va b.) moddiy kömak bergan. Şöro qöşinlari öz qududiga bostirib kirgan duşman armiyalarini tor-mor keltirib, Şarqiy va Markaziy Yevropani gitlerçilardan ozod qilgan bölsa, ittifoqçilarning qurolli kuçlari Germaniyaning Ğarbiy Yevropada joylaşgan qöşinlari hamda militaristik Yaponiyaning harbiy qudratini sindirib, ittifoqdoşlariga qurol-yaroğ, harbiy texnika, oziq-ovqat b-n yordamlaşib, umumiy ğalabaga salmoqli hissa qöşdi. Gitlerçilar va şeriklari bosib olgan mamlakatlarda vujudga kelgan yaşirin Qarşilik körsatiş harakati bosqinçilarga zarba berib turdi. G.q.k.ning 2-jahon uruşida qozongan tarixiy ğalabasida frontga askar kuçlarini jönatgan, armiyani qurol-yaroğ, kiyim-keçak va oziq-ovqat b-n ta'minlab turgan, minglab köçirib keltirilganlarga boşpana bergan, yetim-yesirlarni bağriga bosgan Özbekistonning ham uluşi bor.
Asl matn (kirill, PDF'dagidek)
ГИТЛЕРЧИЛАРГА ҚАРШИ КОАЛИЦИЯ — 2-жаҳон уруши давомида юзага келган, Германия, Италия, Япония ҳамда уларнинг шериклари иттифоқига қарши турган давлатлар ва халқларнинг кенг кўламли ҳарбийсиёсий иттифоқи. Г.қ.к.га турли манфаат ва мақсадларни кўзлаган АҚШ, Буюк Британия, Франция, собиқ Иттифоқ, Хитой ва б., жами 50 дан зиёд мамлакат бирлашди. Унинг таркибига кирган Албания, Австралия, Бельгия, Бразилия, Ҳиндистон, Канада, Польша, Чехословакия, Югославия, Янги Зеландия каби мамлакатлар буюк давлатлар б-н бирга умумий душманга қарши курашда ўз қуролли кучларини ишга солган, баъзи бир давлатлар (Мексика ва б.) моддий кўмак берган. Шўро қўшинлари ўз қудудига бостириб кирган душман армияларини тор-мор келтириб, Шарқий ва Марказий Европани гитлерчилардан озод қилган бўлса, иттифоқчиларнинг қуролли кучлари Германиянинг Ғарбий Европада жойлашган қўшинлари ҳамда милитаристик Япониянинг ҳарбий қудратини синдириб, иттифоқдошларига қурол-яроғ, ҳарбий техника, озиқ-овқат б-н ёрдамлашиб, умумий ғалабага салмоқли ҳисса қўшди. Гитлерчилар ва шериклари босиб олган мамлакатларда вужудга келган яширин Қаршилик кўрсатиш ҳаракати босқинчиларга зарба бериб турди. Г.қ.к.нинг 2-жаҳон урушида қозонган тарихий ғалабасида фронтга аскар кучларини жўнатган, армияни қурол-яроғ, кийим-кечак ва озиқ-овқат б-н таъминлаб турган, минглаб кўчириб келтирилганларга бошпана берган, етим-есирларни бағрига босган Ўзбекистоннинг ҳам улуши бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.