Golf
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 386–387-b. — ziyouz.com
Golf (ing. golf) — sport turi. Töp va çavgonlar b-n oçiq maydonda öynaladi. Bunda 50 mingdan 200 ming m2 gaça sahnga ega bölgan past-balandligi örtaça tabiiy maydon (qir-adir, istiroxat boği, örmon çekkasi) kerak, unda tabiiy holatida qoldirilgan 9 yoki 18 ta yölak-trassa belgilanadi; har qaysi yölakning uz. 150 dan 470 m gaça, kengligi 30—40 m. Birinçi yölak boşlanişida taxm. 4 m2 kattalikdagi maydonça tayyorlanadi, har bir yölakning oxirida örtasida öyiq-çuqurça (çuqurligi 11 sm va diametri 10 sm)li taxm. 20 m2 keladigan maydonça böladi. Öyinçilar joy relyefi va töpni yönaltiriş kerak bölgan masofa qandayligiga qarab kattaligi, yöğonligi, uçining şakli birmunça farqlanadigan, uz. 85—110 sm çavgon (kleb)lardan foydalanadilar. Öyinning maqsadi töpni (vazni 44 g quyma rezinali koptok) çavgon b-n urib barça yölaklardagi çuqurçalarning har biriga olib borib tuşiriş. Bu işni kamroq zarb b-n amalga oşirgan öyinçi yoki jamoa ğalaba qiladi. G. öyini örta asrda Daniyada paydo bölgan. AQŞ, Kanada, Buyuk Britaniya, Yaponiya, Avstraliyada tarqalgan. 1900 va 1904 y.da Olimpiada öyinlari dasturiga kiritilgan edi. G.ni asosan örta va katta yoşdagilar öynaydi. G. Özbekistonda ham ommaviylaşa boşladi. Bunda 1998 y.da qurib bitkazilgan Toşkent G. klubi katta ahamiyat kasb etdi. Bu klub Örta Osiyo mintaqasida birinçi bölib xalqaro G. musobaqalarini ötkaziş imkonini yaratdi. 2001 y. 20 mayda Toşkent G. klubida G. böyiça Özbekistonning birinçi oçiq çempionati ötkazildi. Unda Özbekiston, AQŞ, Germaniya, Jan. Koreya, Malayziya, Angliya, Şotlandiya, Kanada, JAR va b. mamlakatlardan 100 ga yaqin sportçi qatnaşdi.
Asl matn (kirill, PDF'dagidek)
ГОЛЬФ (инг. golf) — спорт тури. Тўп ва чавгонлар б-н очиқ майдонда ўйналади. Бунда 50 мингдан 200 минг м2 гача саҳнга эга бўлган паст-баландлиги ўртача табиий майдон (қир-адир, истирохат боғи, ўрмон чеккаси) керак, унда табиий ҳолатида қолдирилган 9 ёки 18 та йўлак-трасса белгиланади; ҳар қайси йўлакнинг уз. 150 дан 470 м гача, кенглиги 30—40 м. Биринчи йўлак бошланишида тахм. 4 м2 катталикдаги майдонча тайёрланади, ҳар бир йўлакнинг охирида ўртасида ўйиқ-чуқурча (чуқурлиги 11 см ва диаметри 10 см)ли тахм. 20 м2 келадиган майдонча бўлади. Ўйинчилар жой рельефи ва тўпни йўналтириш керак бўлган масофа қандайлигига қараб катталиги, йўғонлиги, учининг шакли бирмунча фарқланадиган, уз. 85—110 см чавгон (клэб)лардан фойдаланадилар. Ўйиннинг мақсади тўпни (вазни 44 г қуйма резинали копток) чавгон б-н уриб барча йўлаклардаги чуқурчаларнинг ҳар бирига олиб бориб тушириш. Бу ишни камроқ зарб б-н амалга оширган ўйинчи ёки жамоа ғалаба қилади. Г. ўйини ўрта асрда Данияда пайдо бўлган. АҚШ, Канада, Буюк Британия, Япония, Австралияда тарқалган. 1900 ва 1904 й.да Олимпиада ўйинлари дастурига киритилган эди. Г.ни асосан ўрта ва катта ёшдагилар ўйнайди. Г. Ўзбекистонда ҳам оммавийлаша бошлади. Бунда 1998 й.да қуриб битказилган Тошкент Г. клуби катта аҳамият касб этди. Бу клуб Ўрта Осиё минтақасида биринчи бўлиб халқаро Г. мусобақаларини ўтказиш имконини яратди. 2001 й. 20 майда Тошкент Г. клубида Г. бўйича Ўзбекистоннинг биринчи очиқ чемпионати ўтказилди. Унда Ўзбекистон, АҚШ, Германия, Жан. Корея, Малайзия, Англия, Шотландия, Канада, ЖАР ва б. мамлакатлардан 100 га яқин спортчи қатнашди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.