Granada
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 422-b. — ziyouz.com
Granada (arab. Ğarnota) — Ispaniyaning jan.dagi şahar, Andalusiya muxtor viloyatida. Syerra-Nevada toği yon bagrida, Xenil daryosi vodiysida joylaşgan. Granada provinsiyasining ma'muriy markazi. Aholisi qariyb 242 ming kişi (1998). T.y. tuguni. T.y. orqali Örta dengiz böyidagi Motril porti b-n boğlangan. Sanoati, asosan, q.x. mahsulotlarini qayta işlaşga ixtisoslaşgan. G. yaqinidan temir rudasi qazib çiqariladi. Oziq-ovqat, sement, kimyo z-di, töqimaçilik sanoati korxonalari va qoğoz f-kalari bor. Şahar tarixiy manbalarda ilk bor 8-a.da qayd qilingan. 11-a.dan arablar qöl ostida, 1238 y.dan Ğarnota amirligi tarkibida bölgan. 1492 y.dan Ispaniya tasarrufiga ötgan. Arablar istilosi davrida G. Mavritaniya davlatining siyosiy, madaniy va iqtisodiy markazlaridan biri bölgan. Me'moriy yodgorliklaridan Mavritaniya me'morligi san'ati uslubida qurilgan qal'a-saroy (13—14-a.lar) va Karl V saroyi hamda Uyğoniş davriga oid sobor va b. saklangan. Un-t bor (16-a.dan). Turizm rivojlangan. Har yili musiqa festivallari ötkazilib turiladi.
Asl matn (kirill, PDF'dagidek)
ГРАНАДА (араб. Ғарнота) — Испаниянинг жан.даги шаҳар, Андалусия мухтор вилоятида. Сьерра-Невада тоғи ён багрида, Хениль дарёси водийсида жойлашган. Гранада провинциясининг маъмурий маркази. Аҳолиси қарийб 242 минг киши (1998). Т.й. тугуни. Т.й. орқали Ўрта денгиз бўйидаги Мотриль порти б-н боғланган. Саноати, асосан, қ.х. маҳсулотларини қайта ишлашга ихтисослашган. Г. яқинидан темир рудаси қазиб чиқарилади. Озиқ-овқат, цемент, кимё з-ди, тўқимачилик саноати корхоналари ва қоғоз ф-калари бор. Шаҳар тарихий манбаларда илк бор 8-а.да қайд қилинган. 11-а.дан араблар қўл остида, 1238 й.дан Ғарнота амирлиги таркибида бўлган. 1492 й.дан Испания тасарруфига ўтган. Араблар истилоси даврида Г. Мавритания давлатининг сиёсий, маданий ва иқтисодий марказларидан бири бўлган. Меъморий ёдгорликларидан Мавритания меъморлиги санъати услубида қурилган қалъа-сарой (13—14-а.лар) ва Карл V саройи ҳамда Уйғониш даврига оид собор ва б. сакланган. Ун-т бор (16-а.дан). Туризм ривожланган. Ҳар йили мусиқа фестиваллари ўтказилиб турилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.