Guam
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 467-b. — ziyouz.com
Guam — Tinç okeanning ğarbiy qismidagi orol, Mariana o.lari tödasida. G.ni 1521 y. F. Magellan kaşf etgan. AQŞ mulki, Tinç okeandagi yirik harbiy-dengiz va harbiy-havo bazasi. Mayd. 549 km2. Aholisi 145 ming kişi çamasida (1990-y.lar oxirlari), 20 mingdan ziyodroği Amerika harbiy xizmatçilari va ularning oilalari, krlganlari ispanlar, meksikaliklar, filippinliklar. Orolning eng baland (405 m) jan. qismi vulkan jarayonida, pastroq şim. qismi marjon qoyalardan paydo bölgan. Tez-tez zilzila bölib turadi. Iqlimi tropik, mussonli iqlim, oylik örtaça t-ra 26 — 27°, yiliga 3000 mm yoğin tuşadi. Toğlarning jan. va şarqiy yon bağirlarida nam tropik örmonlar, şim.da kserofit ğalla gulli ösimliklar ösadi. Iqtisodining asosi — turizm. Har yili orolga 600 ming turist (80% yaponlar) kelib ketadi. Daromadining 12%i harbiy obyektlardan keladi. Kokos palmasi, kofe östiriladi, şakarqamiş va b. tropik ekinlar eqiladi, şoli yetiştiriladi. Baliq ovlanadi. Yoğoç tayyorlanadi. Boş şahri — Aganya (aholisi 2 mingdan ortiq). G.da t.y. yöq, avtomobil yöllari uz. 674 km. Çetga kiyim, turli xil içimliklar, tamaki, maşinasozlik mahsulotlari çiqariladi; çetdan yoqilği, oziq-ovqat mahsulotlari keltiriladi. Taşqi aloqa asosan AQŞ, Yaponiya va Tayvan b-n olib boriladi. Un-t bor.
Asl matn (kirill, PDF'dagidek)
ГУАМ — Тинч океаннинг ғарбий қисмидаги орол, Мариана о.лари тўдасида. Г.ни 1521 й. Ф. Магеллан кашф этган. АҚШ мулки, Тинч океандаги йирик ҳарбий-денгиз ва ҳарбий-ҳаво базаси. Майд. 549 км2. Аҳолиси 145 минг киши чамасида (1990-й.лар охирлари), 20 мингдан зиёдроғи Америка ҳарбий хизматчилари ва уларнинг оилалари, крлганлари испанлар, мексикаликлар, филиппинликлар. Оролнинг энг баланд (405 м) жан. қисми вулкан жараёнида, пастроқ шим. қисми маржон қоялардан пайдо бўлган. Тез-тез зилзила бўлиб туради. Иқлими тропик, муссонли иқлим, ойлик ўртача т-ра 26 — 27°, йилига 3000 мм ёғин тушади. Тоғларнинг жан. ва шарқий ён бағирларида нам тропик ўрмонлар, шим.да ксерофит ғалла гулли ўсимликлар ўсади. Иқтисодининг асоси — туризм. Ҳар йили оролга 600 минг турист (80% японлар) келиб кетади. Даромадининг 12%и ҳарбий объектлардан келади. Кокос пальмаси, кофе ўстирилади, шакарқамиш ва б. тропик экинлар эқилади, шоли етиштирилади. Балиқ овланади. Ёғоч тайёрланади. Бош шаҳри — Аганья (аҳолиси 2 мингдан ортиқ). Г.да т.й. йўқ, автомобиль йўллари уз. 674 км. Четга кийим, турли хил ичимликлар, тамаки, машинасозлик маҳсулотлари чиқарилади; четдан ёқилғи, озиқ-овқат маҳсулотлари келтирилади. Ташқи алоқа асосан АҚШ, Япония ва Тайвань б-н олиб борилади. Ун-т бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.