Gul bayrami

Gul bayrami — Özbekistonda bahor faslida gulga bağişlangan sayillar. Bunday bayramlar toğ bağrida, qir-adirlarda, boğlarda ötkazilgan. G. b. dunyoda keng tarqalgan an'analardan biridir. Köpgina mamlakatlarda gullarga bağişlangan, jumladan Gretsiyada sunbul, Yaponiyada xrizantema, Fransiyada marvaridgul, Hindistonda atirgullarga bağişlangan maxsus bayramlar mavjud. 1) har yili köklamda oila a'zolari va yor-birodarlarning lolazorlarga sayil qilişi, lola terib, xursandçilik qiliş maqsadida ötkaziladigan dam oliş odati. Bu sayillar «qizil gul sayli», «lola sayli», «sumbula sayli», «boyçeçak», Samarqandda mevali daraxtlar, jumladan behi gullaganda — «behi guli sayli» («sayl guli behi»), Zarafşon vodiysida «boyçeçak gulgardoni», Buxoroda gullar oçilib, bulbullar sayragan vaqtda — «Gulgardoni bulbulxon» («Bulbul qöşiği») singari nomlar b-n maşhur bölgan; 2) gul va çeçaklar avji oçilgan çoğda istirohat boğlarida taşkil etiladigan eng yaxşi gul namunalari körigi. Bunday köriklarni respublikamizning Toşkent, Namangan va b. şaharlarida har yil ötkaziş an'anaga aylangan. Bu G. b.da davlat gulçilik xöjaliklarida yetiştirilgan hamda xususiy gulçilar yetiştirgan gul navlari namunalari namoyiş qilinadi. Ğoliblar esdalik sovğalari b-n taqdirlanadi. Ad.: Qoraboyev U., Özbekistan bayramlari, T., 1991.